No Image
No Image

Qüdrət Həsənquliyev: "Rusiya-Azərbaycan münasibətlərini korlamağa çalışırlar"

Qüdrət Həsənquliyev:
Azərbaycan Rusiya ilə daha yüksək səviyyədə əməkdaşlıq etməlidir, ümumiyyətlə, biz MDB çərçivəsində daha aktiv olmalıyıq.

Sfera.az xəbər verir ki, bu sözləri millət vəkili, BAXCP sədri Qüdrət Həsənquliyev "Yeni Müsavat”a açıqlamasında bildirib. Millət vəkilinin sözlərinə görə, biz Kollektiv Təhlükəsizlik Müqaviləsi Təşkilatının (KTMT) üzvü olan türk dövlətləri və Belarusla sıx əməkdaşlıq etməliyik:

"Bu günlərdə bir partiya sədrinin çıxışına qulaq asdım. Belarus Prezidenti Aleksandr Lukaşenko ilə Azərbaycan Prezidenti İlham Əliyevin görüşünü "qatillər qrupuna üzv olmaq istəyi” kimi təqdim edir. Nə qədər qərəzli, yaxud dayaz düşüncəli olmaq lazımdır ki, belə bir ağır ittihamla çıxış edəsən?”

Q.Həsənquliyv hesab edir ki, Belarusun daxilində baş verənlər bu ölkənin daxili işidir:

"Əlbəttə, biz istərdik Belarus çox demokratik bir ölkə olsun. Amma gəlin baxaq, bu gün dünyada demokratiyanı təbliğ edən ABŞ krallıq üsul-idarəsinin olduğu Səudiyyə Ərəbistanı, Birləşmiş Ərəb Əmirlikləri ilə çox gözəl əlaqələr qurub, müttəfiqdirlər, ən müasir silahları onlara satır. Bizə isə - işğala məruz qalmış ölkəyə - sanksiya tətbiq edib, problemin ərazi bütövlüyü çərçivəsində həlli barədə mövqe də sərgiləmirlər”.

Deputat vacib bir xatırlatma edib:

"Azərbaycan ona Qərbin vermədiyi silahları, raketləri Belarusdan aldığı halda, niyə bu ölkə ilə münasibətləri pozmalıyıq? Bu, hansı sağlam məntiqə sığır? Bu insanlar özlərini necə peşəkar siyasətçi sayırlar? Onu demək istəyirəm ki, müəyyən dairələr tərəfindən Azərbaycan-Rusiya, Azərbaycan-Belarus münasibətlərini korlamaq istəyən insanlar var. Bizim Ukrayna ilə də gözəl münasibətimiz mövcuddur, baxmayaraq ki, Kiyevlə Moskva az qala müharibə vəziyyətindədir, Belarusla da. Hesab edirəm ki, bu, belə də olmalıdır. Ukraynanın ərazi bütövlüyünü müdafiə edirik. Amma Ukrayna Qarabağ məsələsində bizə hansı dəstəyi veribsə, biz də ona ərazi bütövlüyü məsələsində o dəstəyi veririk”.

Q.Həsənquliyev qeyd edib ki, əvvəla, bizim Rusiya və digər ölkələrlə əməkdaşlığımız Qərbə qarşı yönəlməyib:

"İkincisi, Azərbaycanı "qatillər qrupu”na üzv olmaqda ittiham edən insanlar bir fikirləşirlərmi ki, nə danışırlar? Deyək ki, sən Rusiya ilə münasibətləri poz, səni kim müdafiə edəcək? Qərbmi müdafiə edəcək? Qərb yazılı öhdəlik götürdüyü Ukraynanı müdafiə etdimi? Ukrayna nüvə arsenalına görə dünyada üçüncü dövlət idi. Rusiya, ABŞ-dan sonra, Çin, Britaniya, Fransadan isə daha çox nüvə başlığına, ballistik raketlərə malik bir dövlət idi. Ukraynanı günün günorta çağı, gözlərinin içinə baxa-baxa aldatdılar, nüvə silahlarını əlindən aldılar, sonra da onu müdafiəsiz qoydular.

Üçüncüsü, heç olmasa, Qərb deyir ki, Ukrayna, Gürcüstan, Moldovadakı münaqişələr bu dövlətlərin ərazi bütövlüyü çərçivəsində həll olunmalıdır. Dağlıq Qarabağla bağlı bir dəfə biz bu sözü eşitdikmi? Onda bu insanlar hansı ağlın sahibidirlər ki, deyirlər, Azərbaycan "qatillər qrupu”nun üzvü olmaq istəyir?”

BAXCP sədri digər bir məsələyə də diqqət çəkib:

"Bizdə ekstremizmə yuvarlanmış, ayrı-ayrı xarici dairələr tərəfindən idarə olunan, Qərb ölkələrində sığınacaq tapmış, maliyyələşdirilən insanlar var, bütün günü Rusiya-Azərbaycan münasibətlərini korlamağa çalışırlar. Düşünürəm ki, biz buna imkan verməməliyik. Əlbəttə, Rusiyanın Azərbaycana qarşı yönələn hansısa addımı olacaqsa, biz onu tənqid etməliyik. Amma bu, elə çərçivədə və elə həddə olmalıdır ki, bizim strateji tərəfdaşlıq münasibətlərimizi korlamasın və pozmasın”.
Sehliyali
Turan Bank

OXŞAR XƏBƏRLƏR

Ermənilərin maraqlarına xidmət edənlərin Azərbaycana qarşı QƏRƏZİ

Aprelin 13-də "The Guardian” qəzetində dərc edilmiş məqalədə Azərbaycan hakimiyyətinin saxta trollardan istifadə etməsi barədə fikirlər yer almışdır. Müəllif bi...

Bayramov sərhəddəki gərginliklə bağlı tacikistanlı həmkarı ilə danışdı

Bu gün nazir Ceyhun Bayramovun tacikistanlı həmkarı Sirociddin Muhriddin ilə telefon danışığı baş tutub. Sfera.az xəbər verir ki, bu barədə XİN məlumat ya...

İlham Əliyev: Udi xalqının çox böyük tarixi mirası var

Udi xalqının çox böyük tarixi mirası var. Sfera.az  xəbər verir ki, bunu Prezident İlham Əliyev mayın 15-də Qəbələnin Nic qəsəbəsində yerləşən Müqədd...

Mehriban Əliyeva Qəbələ səfərindən paylaşım etdi

Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva mayın 15-də Qəbələ rayonuna səfərə gəliblər.  ...

Ermənistan parlamentinin bəyanatı ilə bağlı AÇIQLAMA: "Bu şikayətlərin nəticəsi olmayacaq"

Xəbər verdiyimiz kimi Ermənistan parlamenti yekdilliklə Azərbaycanın Ermənistanın suveren ərazilərinə "təcavüzü" barədə Birgə Bəyanat qəbul edib. "Çiçəklənə...

Prezident Qəbələnin Nic qəsəbəsindəki Müqəddəs Məryəm Ana Alban kilsəsində olub

Mayın 15-də Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva Qəbələnin Nic qəsəbəsində yerləşən Müqəd...