“Qubadlı rayonunun böyük turizm imkanları var” - Millət vəkili
İqtisadiyyat
10:52 / 25.10.2021
615
"İşğaldan
azad olunan digər rayonlarımız kimi Qubadlı rayonu da bərpa və yenidənqurma mərhələsinə
qədəm qoyub. Həyat və gülüşün Şərqi Zəngəzurun bu hissəsinə qayıdacağı gün uzaqda
deyil”.
Sfera.az
bildirir ki, bunu iqtisadçı-deputat Vüqar Bayramov Qubadlı şəhərinin işğaldan
azad olunmasının ildönümü haqda danışarkən deyib.
Onun
sözlərinə görə, 1 il öncə, Müzəffər Ali Baş Komandanın xalqa müraciəti zamanı
Qubadlı şəhəri və rayonun 7 kəndinin, Zəngilan və Cəbrayıl rayonlarının bir
sıra kəndlərinin işğaldan azad olunduğunu bildirmişdi:
İşğaldan
azad olunan digər rayonlarımız kimi Qubadlı rayonu da böyük iqtisadi potensiala
malikdir. İşğala qədər Qubadlı rayonun da əsasən kənd təsərrüfatı inkişaf
etmişdir. Rayonda əsasən taxılçılıq, heyvandarlıq, tütünçülük, baramaçılıq və
üzümçülük təşkil edirdi.
Belə ki,
Qubadlı rayonunda ildə 15 min tona yaxın taxıl məhsulları,12 min tona yaxın
yem, orta hesabla 2 min ton tütün, 3 min ton üzüm, 1.2 min tonadək ət və 2 min
tona qədər süd məhsulları istehsal olunurdu”.
V.
Bayramovun sözlərinə görə, Qubadlı rayonunda təbii ehtiyatların da həcminin çox
olması sənayenin inkişafı üçün yeni imkanlar yaradır:
"Bu
baxımdan, yenidən qurulacaq Qubadlı rayonunda sənaye məhsullarının da istehsal
olunacağı gözlənilir. Şərqi Zəngəzurun
digər rayonları kimi Qubadlının da turizm potensialı kifayət qədər yüksək qiymətləndirilir.
Xüsusən də yay, qış və sağlamlıq turizm imkanları böyükdür”.
Turan
Rzayev