Sfera.az İqtisadi İslahatların Təhlili və Kommunikasiya Mərkəzinin məlumatına istinadən xəbər verir ki, bu il ixrac ötən ilin 11 ayı ilə müqayisədə 720,8 milyon dollar və ya 44 faiz artıb. 2020-ci ilin 11 ayında qeyri neft-qaz mallarının ixrac dəyəri 1,68 milyard dollar idi. 

Qeyri neft-qaz mallarının ixracının kəskin artması onun cəmi ixracda payının yüksəlməsinə səbəb olub. İlk 11 ayda 19,8 milyard dollarlıq ixrac həyata keçirilib ki, bunun da 12,12 faizini qeyri neft-qaz sahələrinə aid olan malların ixracı təşkil edib. 

Məlumatlara görə, bu il ixrac olunan məhsullar arasında pambıq iplik 3,4 dəfə, qara metallar və onlardan hazırlanan məmulatlar 2,3 dəfə, kimya sənayesi məhsulları 2,7 dəfə, pambıq lifi 70,2%, şəkər 29,8%, alüminium və ondan hazırlanan məmulatlarda 69,3%, artım qeydə alınıb.

Noyabrda isə qeyri neft-qaz mallarının ixrac dəyəri 58,7% artaraq 307,2 milyon dollar olub.