\"Qələbəmizi həzm edə bilməyənlər hürsünlər, nə fayda...”
14:04 / 19.04.2021
928
"Hərbi Qənimətlər Parkı ilə bağlı ermənilərin ölkəmizə qarşı qarayaxma kampaniyası boşboğazların diskussiyasından başqa bir şey deyil. Yaxşı olardı ki, ermənilər öz tarixlərinə baxsınlar”.
Sfera.az-ın məlumatına görə, bunu politoloq Zaur Məmmədov deyib. O, Hərbi Qənimətlər Parkına qarşı ermənilər tərəfindən aparılan kampaniyadan danışarkən konkret faktlardan söz açıb:
"Çox sadalamayacam, təkcə Soqomon Teyliryana Şirakda ucaldılan abidə kifayətdir. Həmin heykəlin ayağının altında Tələt Paşanın kəsilmiş başı təsvir edilib. Dünyanın hansı ölkəsində ayaqları altında kəllə olan ikinci belə bir abidə və heykəl var? Heç yerdə.
İkincisi, Fransa da dönüb öz tarixinə baxsın. Azərbaycan Fransadan fərqli olaraq öz torpaqları uğrunda öz ərazisində müharibə aparıb. Amma Fransa min kilometrlərlə uzaq ərazilərdə işğalçılıq siyasəti apararaq bir çox xalqlara qarşı soyqırımlar, qətliamlar törədib. Yaxşı olardı ki, fransızlar Parisdə öz torpaqları uğrunda Fransa işğalına qarşı mübarizə aparmış Afrika xalqlarının kəllələrinin niyə muzeydə nümayiş etdirdiklərinə aydınlıq gətirsinlər”.
Ekspert qeyd edib ki, Parisdəki İnsan muzeyində 19-cu əsrdə müstəmləkə müharibələrində öldürülən döyüşçülərin kəllə sümükləri nümayiş etdirilir:
"O ki qaldı Eduard Limonova. Humanizm və bəşəri dəyərlər haqqında Rusiyada danışa biləcək ən axırıncı adamlardan biri elə odur. Bu ölkədə qeyri - rusların öldürülməsində xüsusi fəallıqları ilə seçilən "skinxet"lərin fəaliyyəti məhz qatı faşist ideologiyasının daşıyıcısı olan Limonov və digərlərinin təşkilatçılıqları ilə baş tutduğu hər kəsə məlumdur. Atalar yaxşı deyib- "it hürər, karvan keçər". Bizim qələbəmizi həzm edə bilməyənlər o qədər hürsünlər ki, nə fayda”.
Günay
Sfera.az