Qəbələdə avtomobil çaya aşdı: Yaralanan var
21:31 / 04.04.2021
2403
Qəbələ rayonunda xəsarətlə nəticələnən yol-nəqliyyat hadisəsi olub.
Sfera.az-ın Report-a istinadən məlumatına görə, hadisə günorta saatlarında şəhər ərazisində qeydə alınıb.
Sürücü Elnur İsgəndərovun sükanı arxasında olduğu "Mersedes" markalı avtomobil idarəetmədən çıxaraq, əvvəlcə yol kənarındakı beton maneəyə çırpılıb, sonra isə Dəmiraparan çayına düşüb. E. İsgəndərov qəza nəticəsində müxtəlif dərəcəli xəsarətlər alıb. O, Qəbələ Rayon Mərkəzi Xəstəxanasına yerləşdirilib.
Faktla bağlı araşdırma aparılır.