Sfera.az qurumun qərarına istinadən bildirir ki, əhali abonentlərini əhatə edən istehlakçılar üzrə təbii qazın illik istehlak həcminin 1200 m3-dək (1200 m3 daxil) olan hissəsi üçün tarif dəyişdirilməmiş və hazırkı (1 kub metr üçün 10 qəpik) səviyyədə saxlanılıb. İstehlak edilən qazın 1200 - 2500 m3 (2500 m3 daxil) olan hissəsi üçün 1 kub metr üçün 20 qəpik, 2500 m3-dən çox olan hissəsi üçün isə 25 qəpik müəyyənləşdirilib.

Xatırladaq ki, hazırda 2200 kub metrə qədər istehlak edilən qaza görə abonent 10 qəpik ödəyir. İyulun 1-dən 1200 kub metr qaz üçün 10 qəpik ödəniləcək.

Tarif Şurasının qərarı ilə elektrik stansiyalarına satılan qazın qiyməti də artırılıb. İyulun 1-dən elektrik stansiyalarına satılacaq təbii qazın qiyməti 8,33 faiz artırılaraq 12 qəpikdən 13 qəpiyə çatdırılıb.

Vasif

Sfera.az