"Qarabağın bərpasına onlar cəlb olunmalıdır" - Qüdrət Həsənquliyev

"Büdcə gəlirlərini artırmaq üçün biznes mühiti yaxşılaşdırılmalı, ölkəyə investisiya cəlb olunmalıdır."
 
Sfera.az xəbər verir ki, bütöv Azərbaycan Xalq Cəbhəsi Partiyasının (BAXCP) sədri, millət vəkili Qüdrət Həsənquliyev Moderator.az-a müsahibə verib.
 
Şuşaya, işğaldan azad olunmuş digər ərazilərə edilən yüksək səviyyəli səfərlər insanlarımızda daxili rahatlıq, xalqımızda özünə güvən hissi yaradır. Quruculuq işlərinin vüsəti və onun yaratdığı müsbət emosiyaları təsvir etmək belə çətindir. Ümid edirəm çox çəkməz, Şuşa sakinləri öz doğma yurdlarına qayıtmağa başlayar. Çox istərdim ki, Şuşanın və digər işğaldan azad olunmuş şəhər və qəsəbələrimizin ən gözəl və abad yerlərində həmin yaşayış məntəqələrimizin azadlığı uğrunda həlak olmuş şəhidlərimizin adları yazılmış xatirə kompleksləri yaradılsın. Bu yaxınlarda izləyirdim, Almaniya bizdən çox zəngin ölkə olsa da könüllülər daşqınların ziyan vurduğu  yaşayış məntəqələrinin bərpası üçün necə böyük entuziazmla, həvəslə çalışırlar. Qarabağın bərpasına evlərindən didərgin salınmış insanlar, könüllülər cəlb olunmalıdır. Bu insanları torpaqlarımıza daha möhkəm tellərlə bağlayacaq, onlara mənəvi güc verəcək. Xalqımıza belə bir imkan yaradılmalıdır.
 
- Cənab Ərdoğanın Ermənistana barış təklifini necə qəbul edirsiniz?
 
- Çox yaxşı, dəfələrlə belə çağırışlar həm də Azərbaycan Respublikasının Prezidenti tərəfindən edilib. Amma məsələ orasındadır ki, Ermənistan qonşuları ilə sülh sazişi imzalamaq sərbəstliyinə malik müstəqil ölkə deyil. Ermənilərin müharibələrsiz və qorxusuz yaşamaq şansları Rusiyaya bağlıdır. Həm Türkiyə, həm Azərbaycan Ermənistanla əlaqəli görsənən məsələlərin həllini Rusiya ilə danışmalıdır. Hazırda görsənən odur ki, Rusiya hələlik Ermənistanın Azərbaycan və Türkiyə ilə münasibətlərinin qaydaya salınmasında və düşmənçiliyə son qoyulmasında maraqlı deyil.
 
- Rusiyanı razı salmaq üçün nə edilməlidir?
 
- Rusiya ilə işləmək lazımdır. Onu inandırmalıyıq ki, münaqişənin həlli onun maraqlarına cavab verir. Rusiyanın regionda mövcudluğunun başqa siyasi-hüquqi təminatlarını yaratmaq olar. Bununla yanaşı Ermənistana təzyiqləri artırmalı, onu başa salmalıyıq ki, silahlanma Ermənistanın təhlükəsizliyinə təminat verə bilməz, olsa-olsa onun alət olma funksiyasını artıracaq.
 
Rusiyanın diqqətinə sülhün alternativinin nə olacağı və onun Rusiya -Azərbaycan münasibətlərinə təsiri barədə ciddi mesajlar çatdırılmalıdır. Rusiya beş - on min erməniyə və 3-4 min kv.km əraziyə görə Azərbaycanı və Türkiyəni uzun müddətə, bəlkə də həmişəlik itirmək təhlükəsinin son dərəcə real olduğunu anlamalıdır.
 
Düşmənin bizimlə hesablaşması üçün neft - qaz gəlirlərindən asılı olmayan güclü iqtisadiyyat qurmalıyıq. Bu istiqamətdə nəhayət ki, islahatlara başlamaq lazımdır. Vergi və gömrük orqanlarının büdcəyə əlavə vəsait cəlb etmək istiqamətindəki səyləri, hüquq-mühavizə orqanlarının oğurlanmış, yaxud başqa yollarla büdcədən yayındırılmış vəsaitlərin geri qaytarılması istiqamətində apardığı mübarizə, cərimələrin məbləğnin artırılması və tətbiq dairəsinin genişləndirilməsi  yalnız qısa dövr üçün effektli ola bilər. Büdcə gəlirlərini artırmaq üçün biznes mühiti yaxşılaşdırılmalı, ölkəyə investisiya cəlb olunmalıdır. Beynəlxalq və regional iqtisadi birliklərə üzv olmaq və kompleks islahatlar yolu ilə rüşvətsiz biznes fəaliyyətinə başlamağın və fəaliyyət göstərməyin mexanizmləri yaradılmalıdr.
Sehliyali
Turan Bank

OXŞAR XƏBƏRLƏR

"Qarabağın bərpasına onlar cəlb olunmalıdır" - Qüdrət Həsənquliyev

"Büdcə gəlirlərini artırmaq üçün biznes mühiti yaxşılaşdırılmalı, ölkəyə investisiya cəlb olunmalıdır."   Sfera.az xəbər verir ki, bütöv Azərbaycan Xal...

Yusuf Halaçoğlu "erməni soyqırımı"nın iç üzünü AÇDI

Türk Tarix Cəmiyyətinin keçmiş prezidenti, "Erməni köçü" və "Sürgündən soyqırıma" kitablarının müəllifi, professor Yusuf Halaçoğlu ABŞ prezidenti Cozef Baydenin...

Azərbaycanda karantin bu halda tam ləğv edilə bilər

Azərbaycanda karantin ümumiyyətlə ləğv oluna bilərmi? Bu və digər suallara terapevt, Tibb elmləri namizədi Eldar Kamranov milli.az-a müsahibəsində cavab v...

Baş infeksionistdən HƏYƏCAN TƏBİLİ: “Vaksin olunmağımıza baxmayaraq...”

Son günlər ölkədə koronavirusa yoluxma sayında artım müşahidə edilir. Bir neçə aydır davam edən stabil vəziyyətin bir anda pozulması əhali arasında ciddi naraha...

Çin peyvəndinə etibar edəkmi? – Nazirlikdən AÇIQLAMA

İnsanlar arasında koronavirus peyvəndi ilə bağlı əndişə var. Narahatlığın qaynağı yeni növ koronavirusa qarşı effektli mübarizə preparatının hansı keyfiyyətdə h...

“Bilirdilər ki, Daşaltı alınsa, Şuşa bizim olacaq” - XTQ zabiti

Azərbaycanın 30 il erməni işğalında olan torpaqlarını azad etmək üçün apardığı Vətən Müharibəsindəki qələbə payında Xüsusi Təyinatlı Qüvvələrin (XTQ) sözün əsl ...