No Image

Qarabağın azadlığı üçün danışıqları Rusiya ilə aparmalıyıq - BAXCP sədri

Qarabağın azadlığı üçün danışıqları Rusiya ilə aparmalıyıq - BAXCP sədri
 Millət vəkili, BAXCP-nin sədri Qüdrət Həsənquliyev publika.az-a müsahibə verib.

- Qüdrət bəy, Şərqi Aralıq dənizində baş verənlər Türkiyəni NATO üzrə öz müttəfiqləri ilə böyük müharibəyə sürükləmir ki?

- Türkiyə bu qarşıdurmada tam haqlı olduğu üçün müharibə təhdidlərindən qorxmayaraq, ölkənin milli maraqlarını qətiyyətlə müdafiə edir. Ərdoğan cəsur və müdrik dövlət adamıdır. Bilir ki, geri çəkilsə, Türkiyənin həyati mənafelərinin olduğu digər regional məsələlərdə də daha alçaldıcı tələblər irəli sürəcəklər.

Gözəl el məsəlimiz var: "Ağıllı fikirləşincə, dəli vurub çayı keçdi". Bəzən dövlət maraqlarının ortada olduğu zamanda beynəlxalq məsələlərdə dəliqanlı olmaq lazımdır. Çox vaxt qorxaqlıqla ehtiyatlılığın sərhədlərini müəyyənləşdirmək olmur. Müharibə olacaqsa, deməli olacaq. Türkiyənin güclü hərbi-sənaye kompleksi var. İnanıram ki, Pakistandan nüvə silahı da əldə edib. Əgər etməyibsə, bunu tezliklə gerçəkləşdirmək lazımdır. Hazırda bütün nüvə dövlətləri öz arsenalını genişləndirir. İslamabadın borcudur ki, kömək etsin, dünyada içi biz qarışıq alçaldılmış müsəlman dövlətlərindən qeyrəti olan daha biri nüvə dövlətinə çevrilsin. Ermənistana silah daşınmasına icazə verən "müsəlman" ölkələri kimisi yox.

İstiqlal savaşında Türkiyə müttəfiqlərə yaxşı dərs vermişdi. Türkiyəyə hörmət etməsələr, görünür, növbəti belə bir dərsə ehtiyac olacaq. Müharibə olacaqsa, Azərbaycan istiqlal savaşında olduğu kimi indi də Türkiyənin yanında olmalı, ona maddi və hərbi dəstək verməlidir.

- Qüdrət bəy, Azərbaycanın etirazlarına baxmayaraq, Rusiya Ermənistana müasir silahlar göndərməkdə davam edir. Sizcə nə etməliyik?

- Həmişə demişəm, bir daha təkrar edirəm. Qarabağın azadlığı üçün biz danışıqları Rusiya ilə aparmalıyıq. Əgər Rusiya indiki siyasətini davam etdirəcəksə, Azərbaycan neytrallıq siyasətindən imtina etməli, MDB-dən çıxmalı, müvafiq qanunları dəyişməklə ölkədə Türkiyənin hərbi bazalarını yerləşdirməlidir. Biz torpaqlarımızın işğaldan azad olunması üçün müharibə etməliyik. Ciddi qərarlar qəbul edib, qətiyyətli addımlar ata bilməsək, indiki siyasətlə Ermənistanla bir neçə 30 il də danışıqlar aparsaq, heç bir nəticəsi olmayacaq. Parlamentin payız sessiyası başlayan kimi mən Türkiyə hərbi bazalarının Azərbaycanda yerləşdirilməsi təşəbbüsü ilə çıxış edəcəm. Müstəqil dövlət olub, müstəqil siyasət yürütdüyümüzü deyib, hətta bunu edə bilməyəcəyiksə, onda torpaqlarımızın azad olunmasını gərək yuxuda da görməyək.

Rusiya torpaqlarımızın işğal altında qalmasının əsas səbəbkarı ola-ola biz ona "vasitəçilik", əslində isə işğalçılıq siyasətinə görə təşəkkür edib, strateji müttəfiqlikdən danışmamalıyıq. Biz özümüz-özümüzə hörmət etməliyik ki, başqaları da etsin.

OXŞAR XƏBƏRLƏR

Eros Ramozotti azərbaycanlı jurnalistə müsahibə verdi

 "Uşaqlarım mənim əsas ilham mənbəyimdir” "Həyatda təəssüflə yaşamamalıyıq, hər zaman inam və ümidlə  gələcəyə baxmalıyıq” "Azərbaycanı ...

Bakı şəhərinin təhsil şefi yeni qaydalarla bağlı müsahibə verdi

Sfera.az "Qafqazinfo”-ya istinadla Bakı Şəhəri üzrə Təhsil İdarəsinin müdiri Rəşad Tağıyevin müsahibəsini təqdim edir: - Bütün suallara, hamını düşündürən pand...

"Mənə bir gündə neçə dəfə təcavüz edirdilər" - TÜKÜRPƏDƏN MÜSAHİBƏ - VİDEO

  Tanınmış teleaparıcı Ramal Hüseynov yeni sosial layihə ilə gündəmə gəlib Uzun illər ölkənin müxtəlif televiziyalarında bir çox verilişlərin aparıcısı o...

Şair Ramaldanov: Azərbaycan Ordusu torpaqlarımızı işğaldan azad etməyə tam qadirdir

  Son illər Azərbaycan Ordusunda ciddi islahatlar həyata keçirilməkdədir. Maddi-texniki bazası gücləndirilən Ordumuz ən müasir silahlarla təchiz olunur, d...

Bəhruz Məhərrəmov: "Azərbaycanda rüşvət verən əllər kəsilməlidir" - MÜSAHİBƏ

  Milli Məclisin deputatı, hüquq üzrə fəlsəfə doktoru, dosent Bəhruz Məhərrəmov KONKRET.az-ın suallarını cavablandırıb. – Bəhruz bəy, bilirsiniz ki,...

“Gecə saat 2-də zəng gəldi…” - Ölümqabağı Yaşar Nurinin xanımına SON SÖZÜ — MÜSAHİBƏ

Bu gün xalq artisti, adını milli kino və teatrımıza əbədi həkk edən əvəzolunmaz aktyor Yaşar Nurinin doğum günüdür. Sfera.az aktyorun ömür-gün yoldaşı Rəh...