\"Qarabağ\" \"Keşlə\"yə qalib gəldi
22:21 / 19.11.2021
1525
Futbol üzrə Azərbaycan Premyer Liqasının XI turu start götürüb.
Sfera.az xəbər verir ki, ilk oyun günündə "Qarabağ" "Keşlə"ni qəbul edib. Matç Ağdam təmsilçisinin 1:0 hesablı qələbəsi ilə yekunlaşıb. Qələbə qolunu Ramil Şeydayev vurub.
Bu qələbə ilə xallarının sayını 26-a çatdıran "Qarabağ" liderliyini daha da möhkəmləndirib. Paytaxt klubu isə 10 xalla 6-cı sıradadır.
Qeyd edək ki, turun "Zirə" - "Səbail" və "Neftçi" - "Sabah" oyunları noyabrın 20-də, "Qəbələ" - "Sumqayıt" qarşılaşması isə noyabrın 21-də keçiriləcək.