"Dağlıq
Qarabağın müəyyən hissəsində Rusiya sülhməramlılarının yerləşməsindən sonra
Moskvanın burada öz əhatə dairəsini genişləndirmək məqsədilə bəzi
provokasiyalar həyata keçirdiyinin şahidiyik”.
Bunu
Sfer.az-a açıqlamasında son günlər Qarabağda yaşayan bir qrup erməninin və Ermənistan
parlamentinin deputatı Taquhi Tovmasyanın Kəlbəcər avtomobil yolunun dəhliz
olaraq ermənilərin istifadəsinə verilməsi
çağırışlarının arxasında hansı qüvvələrin dayandığına aydınlıq gətirərkən
politoloq Məhəmməd Əsədullazadə deyib:
"Ötən
gün Ağdərənin Drambul kəndində bir qrup erməninin Ağdərə-Kəlbəcər yolunu bağlayaraq
Azərbaycanın avtomobil kolonunun qarşısını almasının arxasında da təbii ki, müəyyən
qüvvələr dayanır. Ortaya atdıqları iddia da absurddur. Xüsusən də Ağdərənin Drambul kəndində yaşayan
ermənilərin Kəlbəcər rayonu ərazisindən keçməklə Ermənistanın Vardenis rayonuna
getmək istəkləri sual doğurur. Ağdərə, Xankəndi Azərbaycan ərazisidir. Bu mənada Azərbaycan istədiyi yolla hərəkət
etmək hüququna malikdir”.
Politoloq
hesab edir ki, Qarabağdakı ermənilərin özlərinə qalsa, təkbaşına bu cəsarətdə
bulunmağa cürət etməzlər:
"Moskva görüşündə
gördük ki, Rusiya bölgədə sülhməramlıların sayını artırmaq niyyəti güdür.
Dağlıq Qarabağın müəyyən hissəsində humanitar missiya adı ilə müxtəlif təhlükəsizlik
qüvvələrinin yerləşdirilməsini həyata keçirir. Bu əsasda da erməniləri müxtəlif
provokasiyalara qızışdırırlar. Ermənilərin son zamanlar başladığı bu kimi təxribatlarının
arxasında Rusiyanın dayandığı hiss olunur. Baş verənlər isə Rusiyanın hazırda
prosesə tam nəzarət etmədiyini təsdiqləyir”.
Politoloq
düşünür ki, Rusiya burada hərbi kontingentini artırmaqla Azərbaycana daha güclü
təzyiq etməyə çalışır:
"Təxribatlarda
əsas plan bundan ibarətdir və 1988-ci ildə həyata keçirilən ssenarinin təkrarıdır.
Qarşıdakı dövrdə də bu tip təxribatlar davam edə bilər. Ona son vermək üçün rəsmi Bakı Moskva ilə ciddi
danışmalıdır. Rusiya düşünməsin ki, bununla nəyəsə nail olacaq. Azərbaycan əvvəlki
ölkə deyil, xeyli güclənib. Rusiyanın
qarşısında Türkiyə-Azərbaycan tandemi var”.
Elçin
Sfera.az