Sfera.az "Bloomberg”ə istinadən xəbər verir ki, bu haqda Türkiyənin Enerji və təbii ehtiyatlar naziri Fatih Dönməz açıqlama verib. 

Nazir qeyd edib ki, 2027-ci ildə hasilat maksimum səviyyəyə çatdıqdan sonra yerli istehsal hesabına Türkiyənin tələbatının üçdən biri ödənmiş olacaq: 

"İlk olaraq gündəlik 10 milyon kub metr qaz hasil edəcəyik. Daha sonra hasilatı artıraraq gündəlik 40 milyon kub metrə çatdıracağıq. İldə orta hesabla 15 milyard kub metr qaz hasil etməyi planlaşdırırıq. Sakarya qaz sahəsində təxminən 40 hasilat quyusunu qazmağı nəzərdə tutmuşuq. İlk 10 quyunun qazılması ilə hasilata başlayacağıq. Hədəfimiz, 2023-cü ildə Sakarya qazını şəbəkəyə qoşmaqdır”.

Türkiyəli nazir Qara dənizdə kəşf edilən ehtiyatların 540 milyard kub metr olduğunu söyləyib. 

Qeyd edək ki, Türkiyədə 2020-ci ildə qaza tələb təxminən 48 milyard kub metr olub.