"Putinlə Paşinyanın hər telefon danışığından sonra Qarabağda provakasiyalar baş verir” - Politoloq

"Maraqlıdır ki, Putinin Paşinyanla hər telefon danışığından sonra mütləq Qarabağda gərginlik yaşanır və provakasiyalar baş verir”.
 
Bunu Sfera.az-a açıqlamasında Beynəlxalq Münasibətlər və Diplomatiya Araşdırmaları Mərkəzinin rəhbəri, politoloq Samir Hümbətov dünən Rusiya prezidenti Vladimir Putin və Ermənistan Baş naziri Nikol Paşinyan arasında baş tutan telefon danışığına münasibət bildirərkən deyib. Müsahibimiz iki ölkə rəhbərlərinin danışıq zamanı Qarabağ, o cümlədən Qazaxıstandakı hadisələri müzakirə etdiyini xatırladıb:

"Rusiya KTMT çərçivəsində Qazaxıstanda yerləşdirdikləri qoşunları çıxarmaq istəmir və müxtəlif bəhanələrlə vaxt uzatmağa çalışırlar. Eyni zamanda Qarabağla bağlı da Putinin Nikolla danışıq aparması qeyri-qanuni addımdır. Çünki Qarabağ Azərbaycan torpaqlarıdır və müzakirələr Ermənistan Baş naziri ilə deyil, Azərbaycan prezidenti ilə olmalıdır. Hesab edirəm ki, dünən prezident İlham Əliyevin jurnalistlərə verdiyi müsahibəsi zamanı toxunduğu bəzi məsələlər də diqqət çəkən idi. Digər önəmli məsələ isə, ölkə başçısının Qarabağa müvəqqəti dislokasiya edilmiş "rus sülhməramlıları”nın fəaliyyətindən söz açması və daha sonra Putinlə Paşinyan danışığı ilə əlaqəli məlumatın yayılmasıdır”.

Politoloq qeyd edib ki, sülhməramlılarla bağlı hələ də narazılıq var:

"Onlar öz funksiyalarını nizamnamə və qanuna uyğun olmadan həyata keçirirlər. Xüsusən də əraziyə kənar şəxslərin gəlməsini təmin etmək ciddi narahatedici məqamdır. Düşünürəm ki, Putinlə Paşinyanın danışığı zamanı toxunulan əsas mövzulardan biri də erməni əsilli vətəndaşların Qarabağ ərazisində saxlanılması olub. Bildiyimiz kimi, son dövrlər Qarabağdakı qondarma rejimin rəhbəri ilə Ermənistanın baş naziri arasında da gərginlik müşahidə olunur. Həmçinin Brüssel görüşündən sonra əldə olunmuş dəmiryolun açılması məsələsi də var idi. Bütün bunlar son dərəcə əhəmiyyətli mövzulardır. Putin və Paşinyan arasında bu danışıqların aparılması mümkündür. Təbii ki, Qarabağdakı son təxribatlar da buna daxildir. Bu da narahatedici məqamdır”.

 
Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Qureşi Ceyhun Bayramovu Pakistana dəvət etdi

Bu gün xarici işlər naziri Ceyhun Bayramovla Pakistanın xarici işlər naziri Məhdum Şah Mahmud Qureşi arasında telefon danışığı baş tutub. XİN-dən Sfera.az...

Azərbaycan - Polşa iqtisadi əlaqələri müzakirə edildi

Azərbaycanın Polşadakı səfiri Nərgiz Qurbanova sözügedən ölkənin İqtisadi İnkişaf və Texnologiya Nazirliyinin dövlət katibi Qrjeqorj Piexoviak ilə görüşüb. ...

"Əminəm ki, Azərbaycanla münasibətlərimiz qarşıdakı illərdə də uğurla inkişaf edəcək" - FOTOLAR

"Əminəm ki, ölkələrimiz arasında dostluq və qardaşlıq münasibətləri qarşıdakı illərdə də uğurla inkişaf edəcək". Sfera.az xəbər verir ki, bunu İran Prezid...

Zakir Həsənov İran Prezidenti ilə görüşdü

Yanvarın 26-da İran İslam Respublikasının Prezidenti Seyid İbrahim Rəisi bu ölkədə rəsmi səfərdə olan Azərbaycan müdafiə naziri general-polkovnik Zakir Həsənovu...

Azərbaycan XİN Hindistanı təbrik etdi

Azərbaycan Xarici İşlər Nazirliyi Hindistanı Milli Gün münasibətilə təbrik edib. Sfera.az  xəbər verir ki, təbrik mətni qurumun tviter hesabında payl...

“Gürcüstana “3+3” formatının qapısı açıqdır” - Boçarnikov

"Rusiya Cənubi Qafqazda "3+3” platforması çərçivəsində əməkdaşlığın inkişafında maraqlıdır”. Sfera.az  xəbər verir ki, bunu Rusiyanın Azərbaycandakı ...