Sfera.az xəbər verir ki, bu barədə Rusiya lideri özü açıqlama verib. 

O, video-konfrans formatında baş tutan görüşdə, "Sizə demək istəyirəm ki, bu zala girməmişdən əvvəl ikinci peyvənd dozasını vurdurdum. Əminəm ki, hər şey yaxşı olacaq. Ümid edirəm ki, pandemiya tətbiq etdiyimiz peyvəndləmə sayəsində tezliklə təsirini itirəcək", - deyə bildirib.

Qeyd edək ki, V. Putinə peyvəndin ilk dozası martın 23-də vurulmuşdu.

Rusiya prezidentinə ölkəsində hazırlanmış üç koronavirus əleyhinə peyvənddən birinin vurulduğu bilinsə də, onun adı ictimaiyyətə açıqlanmır.

Rusiyada bu günə qədər üç koronavirus peyvəndi ölkənin səhiyyə orqanları tərəfindən təsdiqlənib. Həmin peyvəndlər "Sputnik V”, "Epivakkorona” və "Kovivak”dır. Bununla bərabər Rusiya prezidentinə ilk iki peyvənddən birinin vurulduğu düşünülür, çünki üçüncü növ peyvəndin 60 yaşdan yuxarı insanlara vurulması təsdiqlənməyib.