Rusiya prezidenti Vladimir Putin Qələbə paradında veteranlardan ayağa qalxmamağı xahiş edib.

Sfera.az xəbər verir ki, Rusiya prezidenti Vladimir Putin Qələbə paradında çıxışı zamanı veteranlardan ayağa qalxmamağı xahiş edib. Video ğörüntüyə düşən sözügedən məqamı jurnalist Dmitri Smirnov öz Telegram kanalında yayımlayıb.

Kadrlarda Putinin kürsüyə çıxdığı zaman veteranların ayağa qalxmağa başladığı görünür.Həmin an prezident onlara yerlərində qalmalarını işarə edir.

Qeyd edək ki, Sovet xalqının Böyük Vətən Müharibəsindəki Qələbəsi nin75 illiyinə həsr olunmuş parad saat 10:00-da Moskvadakı Qırmızı Meydanda start götürüb. Paradı müdafiə naziri Sergey Şoyqu qəbul edib.

Ümumilikdə paradda 14 mindən çox hərbi qulluqçu, 234 ədəd tarixi və müasir yerüstü hərbi texnika və 75 təyyarə iştirak edir. Tədbirdə Belarusiya, Özbəkistan, Bosniya və Herseqovina, Qazaxıstan, Qırğızıstan, Moldova, Tacikistan, Serbiya rəhbərləri iştirak edir.

Parad iştirakçıları arasında Avrasiya İqtisadi Komissiyasının rəhbəri Mixail Myasnikoviç, Müstəqil Dövlətlər Birliyi (MDB) İcraiyyə Komitəsinin sədri Sergey Lebedev və Kollektiv Təhlükəsizlik Müqaviləsi Təşkilatının (KTMT) baş katibi Stanislav Zas da var.

Xatırladaq ki, koronavirus pandemiyası səbəbi ilə 9 mayda keçirilən ənənəvi Qələbə paradı təxirə salındı. Ötən ayın sonunda isəRusiya Prezidenti Vladimir Putin sözügedən tədbirin iyunun 24-də keçirilməsinə dair göstəriş verdi. Onun fərmanı ilə bu gün istirahət günü elan edildi.