Rusiya prezidenti Vladimir Putin şəxsi təhlükəsizliyini təmin etmək məqsədi ilə oxşarlardan istifadə etmək təklifi aldığını, amma bu təklifi qəbul etmədiyini etiraf edib.

Sfera.az Rusiya mətbuatına istinadla bildirir ki, bu haqda o, TASS-a verdiyi müsahibədə danışıb.

Onun sözlərinə görə, düblyorlardan istifadə etmək ideyası 2000-ci illərin əvvəllərində meydana çıxıb. Təklif olunurdu ki, prezident üçün təhlükəsiz olmayan müəyyən tədbirlərdə oxşarlar onu əvəz etsin. Dövlət başçısı vurğulayıb ki, terrorizmlə mübarizə illəri onun həyatı üçün kifayət qədər təhlükəli olsa da, sözügedən ideyadan imtina edib.

Jurnalistin: ”Oxşarlarınız olubmu?”, - sualına dövlət başçısı "Yox” cavabını verib.

Selcan

Sfera.az