Putin Köçaryanla niyə görüşdü? - Açıqlama
14:07 / 07.04.2021
1038
"Putinin Köçaryanla bu görüşü Ermənistanla
bağlı son nəticəyə gəlmək üçün fakt toplamağa
hesablanıb”.
Bu sözləri Sfera.az-a açıqlamasında Rusiya prezidenti
Vladimir Putinin Ermənistan baş naziri Nikol Paşinyanın Moskvaya səfəri ərəfəsində
keçmiş prezident Robert Köçəryanla onlayn görüş keçirməsinin məqsədlərini şərh
edərkən politoloq Qabil Hüseynli deyib.
Həmsöhbətimizin fikrincə, ümumiyyətlə
Rusiyanın hərəkətlərinə izahat vermək qeyri-mümkündür:
"Rusların özləri demişkən, Rusiyanı ağılla dərk
etmək olmur. Rusiya Putin dönəmində o qədər siyasi manipulyasiyalar edib ki,
onun hərəkətlərinə izahat vermək çox çətindir. Amma hər halda hesab edirəm ki,
indiki halda bölgə, o cümlədən Rusiya üçün də
Ermənistanda ən layiqli namizəd Nikol Paşinyandır. Seçkilərdə əhalinin əksər hissəsi Paşinyana səs
verəcək. Rusiya məsələyə nə qədər
müdaxilə etməyə çalışsa da, çətin ki, bunun əksinə nail olsun”.
Elçin
.