2020-ci ilə qədər etibarlı olan əvvəlki belə sənəd 2015-ci ilin noyabrında qəbul edilmişdi.

Sfera.az "TASS”a istinadla xəbər verir ki, Rusiya Prezidenti Vladimir Putin 2021-2025-ci illər üçün Rusiya müdafiə planının həyata keçirilməsinə dair fərman imzalayıb. Sözügedən sənəd cümə günü rəsmi informasiya portalında yayımlanıb.

Fərmanın mətnində "2021-ci ilin 1 yanvarından etibarən Rusiya Federasiyasının 2021-2025-ci illər üçün müdafiə planının qüvvəyə minməsinə qərar verilir",- deyilir. 13 Noyabr tarixli fərman imzalandığı gündən qüvvəyə minib. 

Rusiya ilk müdafiə planı 2013-cü ilin yanvarında təsdiqlənmişdi. Həmin sənəddə dövlətin təhlükəsizliyi üçün potensial təhlükə və təhdidlər göstərilir, silahlı qüvvələrin inkişafı və silahlandırma proqramlarının icrası, səfərbərlik təlimi və ərazi müdafiəsi kimi təməl sahələrində hərəkətlər əlaqələndirilir.

Tərcümə: Selcan

Sfera.az