"Diqqət
etsəniz, Azərbaycana qeyri-qanuni səfər edən şəxslərin böyük əksəriyyəti ya
fransız, ya da yunandır. Özü də bu şəxslər adi insanlar deyil, Fransua Pupponin
kimi Assambleya üzvü və ya da yüksək vəzifəli şəxslərdir. Rəsmi Bakı bu şəxslərin
adını təkcə qara siyahıya salmamalı, ölkələrinə də nota təqdim etməlidir”.
Bu
sözləri Sfera.az-a açıqlamasında politoloq Qabil Hüseynli Fransa Milli
Assambleyasının üzvü Fransua Pupponinin Azərbaycan ərazisinə qanunsuz səfər etməsini
şərh edərkən deyib.
Politoloq
bildirib ki, Fransa Milli Assambleyasının üzvü Fransua Pupponi ilk dəfə deyil
ki, Azərbaycan ərazisinə qanunsuz səfər edir:
"Bu
şəxs qatı antiazərbaycan mövqeyi ilə seçilir. Onun belə bir mövqe sərgiləməsinin
səbəbləri də aydındır. Məsələ ondadır ki, bu gün təkcə Fransa deyil, bir çox
Avropa ölkəsində erməni lobbisi və diasporu olduqca güclüdür. Xüsusilə maliyyə
imkanları geniş olan erməni diasporu öz "milli maraqlarını” təmin etmək üçün
Fransua Pupponin kimi şəxslərə maliyyə dəstəyi təmin edərək, onların ölkələrində
yüksək vəzifəyə gəlməsini təmin edir. Öz növbəsində Pupponin kimi şəxslər də
ölkələrində vəzifə əldə etdikdən sonra erməni diasporunun tələblərini yerinə
yetirir. Yəni Pupponin kimi şəxslərin Qarabağa qanunsuz səfər etməsi, burada
erməniləri dəstəkləməsi və s. kimi davranışların başqa bir izahı ola bilməz.
Necə deyərlər, pul almağa öyrəşən, buryuq almağa da öyrəşir. Pupponin də
görünür, vaxtilə pulları ilə hakimiyyətə gəldiyi erməni ağalarına canla-başla
xidmət edir”.
Turan
Rzayev