“Polisə etibarın zəif olduğunu bilirəm, amma...” - Narkobizneslə necə mübarizə aparmalı?
10:36 / 13.07.2021
767
"Son ilyarımdır, Azərbaycanda uyuşdurucu vasitələr,
xüsusilə də metamfetamin törəmələrinin istifadəsi dəfələrlə artıb. Biz öz dəstəmizlə
Sumqayıtı monitorinq edirik və ən azından orada dəfələrlə artdığını əminliklə
deyə bilərəm”.
Sfera.az bildirir ki, bunu tanınmış həkim
Vasif İsmayıl deyib. O bildirib ki,
uyuşdurucu maddələr barədə təcili tədbir görmək zamanıdır:
"Bunu qısa və uzunmüddətli tədbirlər olaraq
ikiyə bölmək olar. Uzunmüddətli tədbirlər böyük vəsait və ən əsası vaxt tələb
edir. Vəziyyət isə cəld tərpənməyi tələb edir. Narkobaronlara əl
çatdıracağımıza indilik inanmıram. Bir sistem işçisi ilə söhbətim zamanı mənə hər
kəsin Daxili İşlər Nazirliyinin səhifəsində anonim olaraq bildikləri narkotik
satıcılarını şikayət etməsini təklif etdi. Polisə etibarın zəif olduğunu bilirəm,
camaat da yalandan kimi desən çuğullaya bilər. Amma indilik ən yaxşı çıxış yolu
kimi bu görünür”.
Mütəxəssis qeyd edib ki, pandemiyada camaat
ciddi maddi itkiyə məruz qaldı və əvvəl bu işə baş qoymayanlar da narkotik
satıcılarına çevrildi, minlərlə uşağı buna bulaşdırdı: "Polisin problem bu
miqyasa çıxdığı zamanda haqsız həbs etmək niyyəti güdəcəyinə inanmıram. Bu işin
zarafatı yoxdur”.
Günay Rəsulqızı