Böyük Britaniyada yaranan "SARS-CoV-2” adlandırılan yeni növ koronavirus mutasiyası Türkiyədə də qeydə alınıb.

Artıq sərhədlərimizə qədər gəlib çatan virusun yeni növünün nə dərəcədə təhlükəli olması insanlarda narahatlıq yaradır.

Məsələ ilə bağlı Sfera.az-a danışan Türkiyənin Biotexnologiya İnstitunun Peyvənd Elmi Komitəsinin üzvü, Akdeniz Universitetinin professoru, AMEA-nın müxbir üzvü Tərlan Məmmədov yeni növ mutasiyaların bəzilərinin ümumiyyətlə təhlükəsiz ola biləcəyini bildirib:

"Virusun mutasiyaya uğraması onun spirt virusu kimi təhlükəli olması ilə nəticələnir. Spirt virusunun da xarakteristikası belədir ki, insanın immun sistemi aşağı düşür və bu da ölümlə nəticələnir. Virusun mutasiyaya uğramış forması çox sürətlə yayılır. Bu insanlara ya çox güclü ya da zəif təsir edə bilər. Bu isə bədəndə olan "Angen Konverting Enzim 2"-dən aslıdır. Bu enzim bədəndə bir çox prosesləri tənzim edir. Bu bir reseptordur və enzim vasitəsilə virus bizim bədənə girir.

Lakin bunu da vurğulamalıyam ki, mutasiyanın elə növü yarana bilər ki, həmin virusu bədənimiz tanımaz və beləliklə koronavirus yox olub gedər.

Yeni növ virusun koronavirusa nisbətdə yayılma sürəti 60-70 faiz daha çoxdur. Hələ ki, bu virusun uşaqlara necə təsir edəcəyini demək çətindir. Bu haqqda 10-15 gün sonra nəsə demək olar".

T.Məmmədov təqdim olunan vaksinlərin yeni növ virusa qarşı daha az dözümlü olduğunu qeyd edib:

"Hazırda 12 mindən çox mutasiya olmuş virus var. Virusun mutasiyaya uğramış növünə qarşı təqdim olunan peyvəndlərin təsiri 100 faizdən 60-70 faiz və s. ola bilər. Bu baxımdan protein təməlli peyvəndlər hazırlanmalıdır və mən bu barədə təklif vermişəm. Sadəcə maddi dəstək lazımdır ki, layihə reallaşsın. İndi Çinin təqdim etdiyi peyvənd mutasiyalara qarşı həssasdır və zəif immuna malik insanda virus yenidən aktivləşə bilir. ABŞ-ın təqdim etdiyi vaksinin də indidən uğurlu olacağını deyə bilmərik".

Sfera.az

Əzizə Zeynal