Paytaxtdakı “yaşıl soyqırım"a deputatdan reaksiya: “İstədiklərini edirlər…”

Paytaxtdakı “yaşıl soyqırım
 

"Qanunda dəyişiklik edib, ağacların kəsilməsini imtiyazlı təbəqələrin ixtiyarına buraxmalıyıq”

  

Sfera.az-a açıqlamasında bu sözləri Bakıda qanunsuz ağac kəsilməsi hallarının baş verməsinə münasibət bildirərkən Milli Məclisin deputatı Fazil Mustafa deyib:

 

"Ölkədə kimin imtiyazı varsa, istənilən ağacı kəsə, istənilən yolu bağlaya bilər. Bu istiqamətdə qanunda dəyişiklik etmək lazımdır. İki kateqoriyaya bölməliyik. Kimin imtiyazı varsa, istənilən yerdə ağac kəsə, yolu bağlaya, istənilən yerdə nə istəsə edə bilər. Amma imkansız insanlar üçün bu qadağan olunmalıdır. Avropa ölkələrində də əvvəllər buna bənzər qanunlar olub. Orada da imtiyazı olan şəxslər istənilən addımı ata bilərdilər. Ancaq fəaliyyəti məhdudlaşdırılan insanlar bu işləri görə bilməzdilər. Ona görə fikrimcə, Azərbaycan qanunvericiliyində də bu istiqamətdə dəyişiklik etmək gərəkdir. Artıq bütün məsələlərdə belə etməliyik. Çünki indiki məqamda yaşanan vəziyyət qanunun işləməməsinin göstəricisi olur. Ancaq dediyim dəyişiklik baş verərsə, qanunlar da ölkədə daha rahat işləyəcək. Artıq biləcəyik ki, istənilən imtiyazlı adamlar istənilən işi görə bilərlər. Ağacların dibinə kimyəvi turşu atıb onu məhv etdilər. Belə bir hadisənin olduğunu cəmiyyətdə heç xatırlayan da yoxdur. Kim bina tikmək istəyirsə, rüşvətini verib öz işini görür. Ona görə bu yolla da istənilən ağacı da məhv edirlər”.

 

Həmsöhbətimiz yarı zarafat, yarı ciddi düşünür ki, belə işləri yalnız imtiyazı olanların edə biləcəyini qanuna salsaq, bu halda cəmiyyətdə narahatlıq da yaranmaz: "Bu halda vətəndaşlar narahat olmur, prosesə alışırlar. Bunları deməkdə məqsədim odur ki, mövcud qanunlar qanunsuz ağac kəsilməsinin qarşısını ala bilmir. Ona görə heç olmasa qanunla prosesi leqallaşdıraq ki, gedib ağacları kəssinlər. Sonra da Bakı tamamilə ağacsız qalacaq. Onda da başımıza daş düşəndən sonra düşünəcəyik ki, necə edək imtiyazları ləğv edək”.


ELÇİN

OXŞAR XƏBƏRLƏR

“Yerlibazlıq edib, sənə imkan yaratdıq” – Oqtay Əsədovdan Sahil Babayevə

  "Hamı böyük səbrlə sizə qulaq asdı. Sən bizim içimizdən çıxmısan, bir az yerlibazlıq edib, həm deputatlar, həm də mən imkan yaratdıq ki, bütün hesabatı ...

İstefa verən icra başçısının səs yazısı yayıldı: “Bu çoxdan lazım idi” - AUDİO

  Xaçmazın icra başçısı Şəmsəddin Xanbabayev vəzifəsindən istefa verib.  Sfera.az xəbər verir ki, bu barədə yenisabah.az-a Şəmsəddin Xanbabayev bild...

“Elinanın gündəliyində "ölümümə 52 gün qalıb” yazılmışdı" - Məktəb direktoru

Elina Hacıyevanın ölüm işi üzrə məhkəmə davam edib. Sfera.az APA-ya istinadən xəbər verir ki, Səbail rayon Məhkəməsində hakim Azər Tağıyevin sədrliyi ilə keç...

Azərbaycanda qız uşaqlarına görə 10 min manat? – Ekspert etiraz edir

"İnsanlar maddi vəziyyətinə görə, hətta öz orqanlarını satmağa razı olursa, ikinci və növbəti qız uşaqlarının doğulmasına görə onların hesabına 10 min ma...

“BNA qanunsuz cərimə yazıb, telefon zənglərimə “odboy” verirlər…” – OXUCU MƏKTUBU

  Bakı Nəqliyyat Agentliyinin (BNA) haqsızlığı ilə üzləşən Vüqar Şahbazov tərəfindən Sfera.az-ın redaksiyasına şikayət məktubu daxil olub. Məktubd...

Tolik BNA rəhbərinə “it aparan olsun” dedi: “Elə bilərəm, nəzir verirəm…”

  Teleaparıcı Tarix Əliyev (Tolik) Bakı Nəqliyyat Agentliyinin (BNA) baş direktoru Vüsal Kərimlini sərt tənqid edib. Sfera.az xəbər verir ki, aparı...