Bunu Sfera.az-a açıqlamasında politoloq Əlimusa İbrahimov Kollektiv Təhlükəsizlik Müqaviləsi Təşkilatının bu gün keçirilməsi planlaşdırılan fövqəladə toplantısından danışarkən deyib. 

Müsahibimiz qeyd edib ki, müzakirələrdə Qazaxıstanda baş verən hadisələrlə bağlı KTMT-nin bundan sonra atacağı addımlar müəyyənləşdiriləcək. Onun sözlərinə görə, eyni zamanda iğtişaş baş verən şəhərlərdə humanitar vəziyyətin stabilləşməsi istiqamətində tədbirlər görüləcəyi də proqnozlaşdırılır.

Politoloq, həmçinin Ermənistanın KTMT üzvləri ilə birlikdə öz sülhməramlılarını Qazaxıstana göndərməsini dəyərləndirib. "Paşinyanın bu addımı Ermənistanı Qərbdən uzaqlaşdırıb Rusiya ilə yaxınlaşdıra bilərmi?” sualını Ə.İbrahimov bu cür cavablandırıb:

"Paşinyanın bu addımı ona müxalif olan qüvvələr tərəfindən də ciddi müzakirə mövzusudur. Orada Nikolun bu hərəkətini yenə də erməni xalqına xəyanət kimi qiymətləndirirlər. Onlar düşünürlər ki, son iki ildə Ermənistanın bir neçə dəfə ciddi təhlükələrlə üz-üzə qalmasına baxmayaraq, KTMT öz sülhməramlılarını göndərmədi. Belə olan halda, Ermənistan da öz kontingentini Qazaxıstana göndərməli deyildi. Digər bir qup iddia edir ki, Ermənistan Baş nazirinin bu addımı onun Avropa və Amerikaya olan ümidlərinin boşa çıxmasının nəticəsidir və bu, Ermənistanı Avroatlantik məkandan daha da uzaqlaşır”.

"Bununla Paşinyan öz siyasi ölüm hökmünə imza atardı. Digər məsələlərlə yanaşı, Paşinyanın Qazaxıstana əsgər göndərməklə Rusiyanın imicinə xidmət etməsi  və gələcəkdə Ermənistanda baş verə biləcək oxşar iğtişaş və qiyamlardan özünü  sığortalanmaq məqsədi güdməsi daha ağlabatandır. O, yaxşı bilir ki, nə Avropa, nə də Amerika ölkə daxilində baş verə biləcək iğtişaşlara müdaxilə edib onu azğın kütlənin əlindən qurtaracaq.  Amma Rusiya və KTMT buna qadirdir və Paşinyanın Qazaxıstanda oynadığı rol layiqincə qiymətləndiriləcək”.