Sfera.az erməni mediasına istinadən xəbər verir ki, Ermənistanın diplomatik çevrələrindəki yüksək rütbəli mənbə "EADaily” nəşrinə hər şeyi etiraf edib. Mənbə bunları deyib: "Ermənistan 2015-ci ildə danışıqları uzatmaq xətti seçir və nəticədə "aprel müharibəsi” başlayır. Bu, 44 günlük böyük mühribənin məşqi idi;

- Paşinyan hakimiyyətini möhkəmləndirən kimi XİN-ə tapşırıq verir: danışıqlar prosesinin məzmununu dəyişdirin. O, hesab edirdi ki, əvvəlki rəhbərlikdən (Serj Sarkisyan) fərqli olaraq, onun daxili gücü dayanıqlıdır və belə mövqe sərgiləməsi risk daşımır. Beləliklə, Ermənistan Qarabağın statusu, yəni müstəqilliyini Bakının qarşısında şərt kimi irəli sürür;

- İrəvana siqnallar ötürülür: danışıqların məzmununu dəyişmək müharibə riskini artırır. Paşinyan isə hesab edirmiş ki, İlham Əliyev blef edir, həmsədrlər müharibəyə imkan verməz;

- Ardınca Nikol Xankəndidə "Qarabağ Ermənistandır və nöqtə” deyir;

- Müharibəyə aparan prosesdə sonuncu akkord Lavrovun münaqişənin mərhələli həll variantı sözlərinin Ermənistan XİN tərəfindən təkzib edilməsi idi: Nikol dünyaya göstərirdi ki, Rusiyanın sözü onun üçün heç nədir;

Və nəticəsi ağır oldu.

Əliyevin Nikolun "Qarabağ Ermənistandır” iddiasına həmin vaxt yox, iki ay sonra, məhz Rusiyada "Qarabağ Azərbaycandır və Nida” cavabını verməsinin səbəbi bir daha anlaşılır".