Bunu Sfera.az-a açıqlamasında politoloq Məhəmməd Əsədullazadə deyib. Onun sözlərinə görə, Ermənistan rəhbərliyi "Zəngəzur" dəhlizinin açılmasından yayınmaq və Qarabağa status əldə etmək üçün danışıqlar prosesinə başlamağa çalışır:

"Rusiya idarə olunan bir münaqişə yaratmaq, Azərbaycanla Ermənistan arasında sülhün əldə edilməməsi üçün bu prosesdə maraqlıdır. Amma Rusiya Fransa qoşunlarının Ermənistana göndərilməsində maraqlı deyil. Paşinyan Fransa ordusunu Azərbaycanla böhrana görə sərhəddə dəvət etdiyini desə də, bu əsasən, Rusiyaya qarşı yönəlmiş bir addımdır. Onun məqsədi Rusiyanın hərbiçilərini ölkəsindən çıxarmaq, Qərbin dayaqlarını  Ermənistanda möhkəmlətməkdir”.

Politoloq qeyd edib ki, Ermənistan uğrunda Avropa İttifaqı və Fransa Rusiya ilə mübarizədə yeni mərhələyə keçib:

"Məhz bu proseslər davam etdikcə, Ermənistan üçtərəfli razılaşmalara getməyəcək.  Fransa və Avropa İttifaqı Ermənistanın təklifləri ilə  Azərbaycana təzyiq etmələri fonunda  Qərbin hazırkı siyasəti uğurlu olmayacaq. Əgər Fransa və Avropa İttifaqı üçtərəfli razılaşmalara dəstək verəcəklərsə, Ermənistan siyasətləri uğurlu ola bilər. Hazırda isə, buna gedilmir. 

Ümumi porses gərgin olaraq qalır və Azərbaycan mütləq şəkildə Ermənistana ciddi təzyiqlər edib, üç tərəfli razılaşmaların yerinə yetirilməsinə nail olmalıdır. Bu siyasi gedişatla müəyyən qədər Rusiya da Azərbaycanla hesablaşır”.