Paşinyan Zəngəzur dəhlizinin açılmasında əməli fəaliyyətə keçəcəkmi? - Açıqlama
13:15 / 03.08.2021
931
"Rusiya bölgədə istədiyini əldə etməyincə, bu
dəhlizin açılacağını düşünmürəm”.
Bu sözləri Sfera.az-a açıqlamasında Nikol
Paşinyanın rəsmi olaraq Ermənistan baş naziri kimi fəaliyyətə başlanmasının Zəngəzur
dəhlizinin açılmasını sürətləndirəcəyi fikrini dəyərləndirərkən, politoloq Nəsimi
Məmmədli deyib:
"Ermənistanla Azərbaycan arasında kommunikasiyaların
bərpası 10 noyabr razılaşmasının əsas müddəalarından biridir. Amma təəssüf ki,
bu müddəaların yerinə yetirilməsinə Ermənistan birmənalı şəkildə müsbət
reaksiya vermir. Zəngəzur dəhlizinə İrəvanda münasibər fərqlidir. Eyni zamanda,
Rusiya və Qərb İrəvanın marağına uyğun məsələlərdə daha prinsipial mövqe sərgiləyirlər.
Azərbaycanla bağlı məsələlərdə isə onlar prosesi sanki ölkəmizin və Türkiyənin
öhdəsinə buraxır.
Dəhlizin açılmasının sürətlənməsi Rusiyanın
bölgədə istədiklərini əldə etməsilə bağlıdır. Atəşkəs bəyannaməsinin hansı müddəaları
Moskva və İrəvanı qane edibsə, onlar dərhal icra edilib. Rusiyadan çox Türkiyənin
işinə yarayan məsələlərdə isə yubanmalar var”.
Politoloq hesab edir ki, Ermənistan dəhlizin
açılması qarşılığında Azərbaycandan böyük güzəştlər qoparmaq istəyir: "Ona görə
də Azərbaycan sərt diplomatik hücum taktikasından istifadə edərək İrəvanın üzərinə
getməlidir. Xüsusən də ərazilərimizə dəyən maddi zərərlə bağlı kompensasiyanın
ödənilməsi üçün beynəlxalq məhkəmələrdə fəaliyyətimizi aktivləşdirməliyik. Əks
halda, İrəvan prosesi uzatmaqda davam edəcək”.
Politoloq Qabil Hüseynli isə düşünür ki, dəhliz
məsələsində həddən artıq maraqlı olduğumuzu büruzə verməməliyik:
Rüfət SULTAN
