Paşinyan referenduma niyə gedir? – “Öz dayaqlarını yoxlamaq qərarına gəlib”
14:09 / 02.03.2021
774
"Paşinyanın bu güzəşti prezident Armen Sarkisyanı
razı salacaq, keçmiş prezident Serj Sarkisyanın isə planlarını pozacaq”.
Bu sözləri Sfera.az-a açıqlamasında Ermənistan
baş naziri Nikol Paşinyanın prezidentin səlahiyyətlərini artırmağı nəzərdə
tutan referenduma getməsi və növbədənkənar parlament seçkisinə hazır olduğunu bəyan
etməsinə münasibət bildirərkən politoloq Qabil Hüseynli deyib:
"Paşinyan növbədənkənar seçkilərə getmək və
referendum keçirməyi təklif etməklə göstərdi ki, öz səlahiyyətlərinin yarısını
prezidentə verməyə hazırdır. Bununla bağlı da referendum keçirilməsini təklif
edib”.
Həmsöhbətimizin fikrincə, referendum nəticəsində
əhali yarımprezidentlik institutuna keçidə səs versə, yaranmış vəziyyət ölkədə
icra hakimiyyəti, bütövlükdə siyasi
sistemin yenidən qurulmasına mühüm töhfə
verə bilər.
Digər tərəfdən Q. Hüseynli düşünür ki, bu
addım keçmiş prezident Serj Sarkisyanın hiyləgərliklə qurduğu oyunu pozacaq,
hazırkı prezidentinin mövqeyini dəyişəcək:
"İndiki prezident Armen Sarkisyan da hakimiyyət hərisidir. Görünür,
baş nazirin Sarkisyana belə bir güzəşti onu da razı salacaq. Çünki, o da ölkədə suyu bulandlıran "Qarabağ
klanı” kimilərinin cərgəsinə qoşulmaqla özünün imicinə zərbə vurmuşdu. Hələlik gələcəyə yönəlik dəqiq nəsə demək çətindir. Amma o aydındır ki, Paşinyan referendum məsələsilə həm də ölkədə
siyasi dayaqlarını yoxlamaq, əhalinin özünə və mövcud siyasi sistemə münasibətini
öyrənmək istəyir. Bu hərəkətilə Paşinyan düzgün addım atıb. Şahmat dililə desək,
ağıllı gediş edib. Hər halda bu jest süni surətdə qızışdırılan ehtirasların müəyyən
dərəcədə səngiməsinə kömək edə bilər”.
Sfera.az
.