“Pambıq planı deyil ki...” – Vaksinasiya COVİD-19 bəlasından qurtuluşdur, amma...
11:23 / 28.04.2021
2587
"COVİD-19
bəlasından qorunmağın, o cümlədən qurtulmağın ən optimal yolu vaksinasiyadır”.
Sfera.az-ın məlumatına görə, bunu tanınmış həkim
Vaqif Qarayev deyib. O, COVİD-19-a qarşı vaksinasiyanı davamlı təbliğ edən həkimlərdən
biri olduğunu vurğulayaraq dünya təcrübəsindən də söz açıb:
"İsrail kütləvi vaksinasiyanın hesabına normal
həyata qayıdıb. Hindistan isə sözün əsl mənasında yanır, orada vəziyyət çox
pisdir. Qeyd etdiyim kimi, koronavirusdan qurtulmağın yolu peyvənləmədir. Sübut
üçün İsrail təcrübəsini də dedim.
Amma bir məsələ var. Dövlət müəssisə və idarələrində
insanları işdən çıxartmaqla hədələyirlər. Bununla bağlı şikayətlər çoxdur,
xüsusən təhsil sahəsində. Belə təbliğat olmur!. Vaksinasiya pambıq planı deyil
ki, yuxarılara hamıdan tez hesabat verəsiniz”.
Günay
