"Oyun qaydaları" dəyişir? - "Ankara da, Moskva da "topu "Taliban"a ötürüb"

"Əfqanıstandakı yeni hakimiyyətdən ən çox narahat olanlardan biri məhz Kremldir”
 
Sfera.az bildirir ki, bunu siyasi şərhçi Kənan Novruzov deyib. O, "Taliban" hakimiyyətinin Moskva formatlı görüşdən razı qalmaq barədə açıqlamasını xatırladıb:

"Rusiya Federasiya Şurasının sədri Valentina Matviyenko isə bildirib ki, "Taliban" hakimiyyətinin legitimləşməsi realdır: "Məncə, "Taliban” tanınacaq. Çünki orada əsl gücü var”. Görünür, görüş hər iki tərəfin ürəyincə olub. Hətta gözlənildiyi kimi, "Taliban"ın gələcək fəaliyyəti ilə bağlı tərəflər arasında konkret razılaşmaların əldə edilməsi də istisna deyil.  Ola bilsin, rəsmi Moskva radikal qruplaşmaya legitimləşməsinə mane olmayacağı barədə vəd verib. Bir şərtlə ki, "Taliban" gələcəkdə, nəinki, Rusiyanın özü,  onun müttəfiqləri, o cümlədən KTMT ölkələri üçün təhlükə yaratmamalıdır”.

K.Novruzov qeyd edib ki, Türkiyə Əfqanıstanla bağlı hələlik loyal bəyanatlar səsləndirir:

"Hətta Prezident Rəcəb Tayyib Ərdoğan bu barədə dəfələrlə müsbət mesajlar verib. Ola bilsin, Rusiyanın hazırkı mövqeyinin bir səbəbi də budur. Çünki Moskva ilə Ankara hər nə qədər "mehriban düşmən" olsalar da, bir çox hallarda bir- birilərini başa düşür, koordinasiyalı addım atırlar. Rusiyanın "Taliban"la bağlı radikal mövqeyi, yəqin ki, tərəflər arasındakı əlaqəyə təsir edərdi. Kreml, şübhəsiz, bunu nəzərə aldı.  İndi Ankara da, Moskva da "topu "Taliban"a ötürüb. Hər şey onun özünü necə aparacağından asılıdır”.

Siyasi şərhçinin sözlərinə görə, müsbət mesajların leytmotovinin eyni olduğunu unutmaq olmaz:

"Əfqanıstandakı yeni hakimiyyət humanist dəyərlərə sadiq olmalıdır. Yəni "Taliban" hakimiyyətinin ilk dövründəki kimi(1995-2001) şəriət qanunları ilə gedib, dünyəvi dəyərlərə etinasız yanaşsa, "oyun qaydaları" dəyişəcək.  İkinci bir tərəfdən, Rusiya ABŞ-la da münasibətləri korlamaq istəmir. Məhz bu səbəbdən Qərbin layihəsi olan "Taliban" a qarşı hələlik təmkinli davranır. Lakin, necə deyərlər, tanqo tək oynanılmır”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Putin İlham Əliyev və Paşinyana sülh simvolu hədiyyə etdi - VİDEO

Rusiya Prezidenti Vladimir birgə mətbuat konfransı zamanı Azərbaycan Prezidenti İlham Əliyevə və Ermənistanın Baş naziri Nikol Paşinyana sülh simvolu hədiyyə ed...

15 dekabr görüşündən GÖZLƏNTİLƏR: "Paşinyan razılıq vermək məcburiyyətindədir”

"15 dekabr görüşü planlaşdırılmasaydı, Soçi görüşü də baş tutmayacaqdı”.   Sfera.az bildirir ki, bunu politoloq Məhəmməd Əsədullazadə deyib. O bildirib k...

Fransanın Azərbaycana qarşı qərəzi nə ilə bağlıdır? - Cavanşir Feyziyevdən CAVAB

"Fransanın Vətən müharibəsi dövründə və ondan sonrakı dövrdə Azərbaycana qarşı atdığı qərəzli addımların klassik mənada siyasətlə heç bir əlaqəsi yoxdur”. ...

“Dövlət qurumları bələdiyyələrin verdiyi sənədləri etibarsız sayır” - Etiraz

"Sənədi etibarsız olan quruma nə ehtiyac var?” Sfera.az xəbər verir ki, bunu deputat Fazil Mustafa Milli Məclisin plenar iclasında bələdiyyələrin fəaliy...

Şarl Mişel vasitəçi ola bilər, moderator yenə Putindir - ŞƏRH

Uzun fasilədən sonra, dekabrın 15-də Avropa İttifaqı Şurasının Prezidenti Şarl Mişelin vasitəçiliyi ilə Azərbaycan və Ermənistan liderləri bir araya gələcək. ...

Əliyevlə Paşinyan Rusiyasız görüşür - Moskvanın reaksiyası...

"Əliyevlə Paşinyan dekabrın 15-də Brüsseldə görüşəcək. Şərq Tərəfdaşlığı Sammiti çərçivəsində baş tutacaq görüşün təşəbbüskarı Avropa İttifaqı Şurasının prezi...