"Çox rahat şəkildə əclaflıq, haqsızlıq edirlər" - Nura Suri
Maqazin
13:58 / 30.06.2021
1846
"Bu həyatda dözə bilmədiyim yalnız haqsızlıqdır. Özümə qarşı o qədər haqsızlıq görmüşəm ki, artıq təəccüblənmirəm”.
Sfera.az bildirir ki, bunu müğənni Nura Suri deyib. O, özünə qarşı yalan, böhtan, şər , qeybət gördüyünü və bunun sayı-hesabı olmadığını deyib:
"Çoxu da yaxşılığım keçən insanlar olub. Düşünmüşəm ki, həyat güzgüdür. Bir gün cavablarını alacaqlar. Baxıram ki, yox, elə rahat yaşamağa davam edirlər. Ətrafımda yaxşı insanlar da az deyil. Nə yaxşı ki, hələ onlar var”.
N.Suri həmçinin insanlardan bezdiyini qeyd edib.
"Təbiətə, heyvanlara, insanlara qarşı çox rahat şəkildə əclaflıq, haqsızlıq edirlər. Hardadır bu dünyanın ədaləti? Çalışıram ki, heç kəsin dərdini ürəyimə salmayım, özüm üçün yaşayım, lakin alınmır. Hər şey get-gedə mənasını itirir. Hamı robotlaşır, elə mən də. Hissiyatsız, saxta insanların arasında özümüz də itirik. Bir çürük meyvəni başqa meyvələrin arasına qoysanız, hamısı çürüməyə başlayır. İnsanlar da elədir. Necə qoruyaq özümüzü? Bilmirəm” , - deyə ifaçı əlavə edib.
Türkan
Sfera.az