No Image

Oqtay Əsədov: “AŞPA-da bir sıra məsələlərə ikili standartlarla yanaşmanın şahidi oluruq”

Oqtay Əsədov: “AŞPA-da bir sıra məsələlərə ikili standartlarla yanaşmanın şahidi oluruq”
 

Bu gün Milli Məclisin Sədri Oqtay Əsədov ölkəmizdə səfərdə olan Avropa Şurası Parlament Assambleyasının (AŞPA) prezidenti xanım Lilian Mori Paskieni qəbul edib.

Milli Məclisin mətbuat xidmətindən Sfera.az-a  verilən məlumata görə, sədr qonağı salamlayaraq bu səfərin ikitərəfli münasibətlərin daha da inkişaf etməsinə təkan verəcəyinə inamını söyləyib.

Bildirilib ki, Azərbaycan AŞPA ilə hərtərəfli əlaqələrin dərinləşməsinə böyük önəm verir. 2001-ci ilin yanvarından Avropa Şurasına tamhüquqlu üzv olan Azərbaycan hüquqi, demokratik dövlət quruculuğu prosesində Avropa Şurası və onun qurumlarının dəstəyini hiss edib. Qarşılıqlı əməkdaşlıq istiqamətində ötən dövr ərzində xeyli işlər görülüb: "Təəssüf ki, bəzən müəyyən anlaşılmazlıq və ermənilərin məqsədlərinə xidmət edən lobbiçilik fəaliyyəti göstərən bir sıra deputatların qərəzli hərəkətləri ucbatından qurumda bəzi məsələlərə ikili standartlarla yanaşmanın şahidi oluruq. Biz inanırıq ki, gələcəkdə belə xoşagəlməz hallar aradan qalxacaq, müzakirə doğura biləcək məsələlər ətrafında fikir mübadiləsi aparmaq üçün normal şərait yaranacaq".

 

Sədr qeyd edib ki, ölkəmizdə bütün istiqamətlər üzrə islahatlar uğurla davam etdirilir.  Azərbaycanda Avropa hüquq sisteminin təməl prinsiplərini özündə əks etdirən qanunvericilik bazası formalaşdırılıb. Ölkədə imzalanmış 65 əfv sərəncamına və 11 amnistiya aktına uyğun olaraq 40 min nəfər məhkum cəzaçəkmə müəssisələrindən azadlığa buraxılıb. Azərbaycan Prezidentinin cari ilin martında imzaladığı əfv fərmanı 431 nəfərə şamil olunub.

O. Əsədov bildirib ki, ölkədə etnik və dini  tolerantlıq hökm sürməkdədir. Məscidlər, kisələr, sinaqoqlar dinc fəaliyyət göstərir: "Biz gələcəkdə də AŞPA, o cümlədən bütün beynəlxalq təşkilatlarla əməkdaşlığın genişləndərilməsində maraqlıyıq".

Səmimi qəbul üçün minnətdarlığını bildirən AŞPA prezidenti xanım Lilian Mori Paskie təmsil etdiyi qurumun ölkəmizlə əlaqələrin  inkişafında maraqlı olduğunu söyləyib. 

Bildirilib ki, azərbaycanlı deputatlar  təşkilatın struktur qurumlarında və keçirilən tədbirlərdə daim fəal iştirak edir, müzakirə olunan məsələlərə öz münasibətlərini bildirir, maraq doğuran əhəmiyyətli təkliflərlə çıxış edirlər. Qonaq AŞPA-nın xətti ilə ölkəmizə səfər edən təşkilat nümayəndələrinə yaradılan şəraitə görə Milli Məclisin  rəhbərliyinə öz təşəkkürünü bildirib.

Söhbətdə tərəfləri maraqlandıran məsələlər ətrafında geniş fikir mübadiləsi aparılıb.

Görüşdə Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-da daimi nümayəndə heyətimizin başçısı Səməd Seyidov,  parlament Aparatının rəhbəri Səfa Mirzəyev və digər rəsmi şəxslər iştirak ediblər.

OXŞAR XƏBƏRLƏR

Vətəndaşlara cip taxılacaq? – TƏBİB rəsmi açıqlama yaydı

  "COVID-19 peyvəndi ilə insanları çipləşdirmək şayiədir, elmi əsası yoxdur”. Sfera.az xəbər verir ki, bunu TƏBİB Elmi Komitəsinin Sədri, professor ...

Adil Əliyev oğlunun maşın kolleksiyası haqda xəbərə reaksiya verdi

Xaricdə yaşayan bloqer Həbib Müntəzir Milli Məclisin vitse-spikeri Adil Əliyevin oğlu Əli Əliyevin maşın kolleksiyasının olduğu haqda məlumat yayıb. Onun idd...

Deputat Ramil Həsən bu paylaşımı ilə özünü güldürdü - FOTOFAKT

91 saylı Ucar seçki dairəsindən deputat seçilmiş Ramil Həsənin sosial şəbəkədəki paylaşımı gülüş doğurub. Sfera.az xəbər verir ki, öz profilindən özü h...

Azərbaycanda "Pikap" tipli avtomobillər yığılır? - VİDEO

  Bu gün səhər saatlarından sosial şəbəkələrdə və xəbər saytlarında vətəndaşlara məxsus "Pikap" tipli avtomobillərin saxlanaraq səfərbərlik adı ilə aparıl...

Tələbələr Bakıya gəlmədi, kirayə qiymətləri ucuzlaşıbmı? - AÇIQLAMA

  Ali təhsil müəssələrində yeni təhsil ili distant qaydada başladığı üçün Bakıya tələbə axını müşahidə edilmədi. Bu da öz növbəsində kirayə mənzil bazar...

Adi qrip, yoxsa koronavirus? – Həkim bunları fərqləndirməyin yollarını açıqladı

  Payızın gəlişi ilə əlaqədar qripə yoluxanların sayında artım müşahidə edilir. Bu zaman isə bir çox insanlar panikaya qapılaraq koronavirusa yoluxduğun...