“Onun vətəndaş cəmiyyəti institutları ilə görüşü...” - Filip Rikerin Azərbaycan səfərinə münasibət
12:28 / 10.06.2021
2222
"Rəsmi
Vaşinqton bu addımı ilə Azərbaycanla münasibətdə enerji və regional, beynəlxalq
təhlükəsizlik məsələlərinə nə qədər önəm verirdisə, eyni zamanda, demokratiya və
insan haqları məsələsinə də xüsusi yanaşdığını ifadə etmək istəyir. Bu baxımdan
da Rikerin görüşlərində belə bir ardıcıllıq müəyyən edilib”.
Bu sözləri
Sfera.az-a açıqlamasında ABŞ Dövlət katibinin Avropa və Avrasiya məsələləri üzrə
köməkçisi Filip Rikerin Azərbaycana səfəri çərçivəsində ilk görüşü dövlət rəsmilərilə
deyil, vətəndaş cəmiyyəti institutları nümayəndələrilə keçirməsinin səbəblərindən
danışarkən, Milli Məclisin deputatı Elman Nəsirov deyib:
"Adətən beynəlxalq
praktikada onu görürük ki, belə səfərlər zamanı yüksək rütbəli dövlət məmurları
ilk növbədə rəsmilərlə görüşürlər. Ancaq Filip Rikerin Azərbaycanda olarkən
qeyri-hökumət təşkilatları, vətəndaş cəmiyyti institutları ilə görüşü önə
salması yəqin ki, ABŞ-ın yeni adminstrasiyasının ilk növbədə insan haqları,
demokratiya, vətəndaş cəmiyyəti kimi institutların inkişafı kimi məsələlərə
xüsusi önəm verməsinə işarədir. Belə yanaşma Vaşinqtonun bu institutlarla əməkdaşlıq
münasibətlərini inkişaf etdirmək niyyətində olduğunu ifadə edir. Onun vətəndaş
cəmiyyəti institutları ilə görüşü önə çəkməsində məhz bu mesaj özünü daha çox
göstərir”.
Rüfət SULTAN