Sfera.az bildirir ki, professor, tibb elmləri doktoru Musa Qəniyev vətəndaşları təlaşlanmamağa çağırıb.

Belə ki, mütəxəssis qeyd edib ki, "Alfa", "Beta", "Delta", "Delta-plyus" və s. kimi ştammlar koronavirusun RNT-sində yaşam, bələdləşmə və uyğunlaşma  qanunlarına uyğun olaraq baş verən, baş verməsi mütləq qanunauyğunluq və zərurət olan letallıq mutasiyası nəticəsində əmələ gələn mutantlardır: 

"Hazırda Latın əlifbası sırası ilə adlandırılanlardan 4-ü gündəmdədir. Növbəti aylarda daha 5-i haqqında, daha sonra isə digərləri haqqında məlumat verilə və onların  "ölüm mələkləri” olduğu bildirilə bilər. Bunlar, insanların depressiyaya düşməsi, həyatdan əl üzməsi və düşünülmüş şəkildə özünə qapanması və məhvinə xidmət edən istəklərdir. Buna yol verilməməlidir".

M.Qəniyev deyib ki, hazırda genom fərqliliyi göstərən 4 ştammı, öyrənilən 5 ştammı, tapılacaq yeni - sıra ardıcıllığı ilə 15 ştammının heç biri letallıq və arzuolunmaz proqnozuna münasibətdə koronavirusdan üstün ola bilməz:

"Bu qeyri-mümkündür, təbabət və mövcudiyyət qanunlarına ziddir. COVİD-19 artıq ikinci aydır ki, fəsli infeksiyadır. Buna inanın".