Nikolas Keyc özündən 31 yaş kiçik sevgilisi ilə evləndi - FOTO
14:09 / 19.03.2021
1276
Məşhur Hollivud ulduzu, aktyor Nikolas Keyc evlənib.
Sfera.az xəbər verir ki, 57 yaşlı aktyor özündən 31 yaş kiçik sevgilisi Riko Şibata ilə ailə həyatı qurub.
Məlumata görə, cütlüyün nikahı ötən ay Las-Veqasdakı otellərin birində baş tutub. Nikolasdan bununla bağlı "Çox xoşbəxtəm və düzgün qərar vermişəm” açıqlaması gəlib.
Cütlüyün toy mərasimi adət-ənənələrinə uyğun həyata keçirilib. Belə ki, Riko yapon kimono paltarında, Keyc isə simokində olub. Ənənəvi andiçmə mərasiminin ardınca yapon şeirləri də səsləndirilib. Toy mərasiminə Nikolas Keycin keçmiş həyat yoldaşı və övladları da qatılıb.
Qeyd edək ki, cütlük Yaponiyada tanış olub. Nikolasın Erika Koike ilə evlilikləri bitəndən qısa müddət sonra aktyor Riko Şibata ilə münasibətə başlayıb.
Türkan
Sfera.az