Sfera.az xəbər verir ki, bu barədə Bankın 2019-cu ilin ilk rübünə olan maliyyə hesabatında deyilir.

2019-cu ilin yanvar-mart ayları ərzində "NIKOIL Bank”ın cəmi faiz gəlirləri 17,99 mln. manat, cəmi faiz gəliri isə 3,92 manat təşkil edib ki, bu da bankın 14,47 mln. manatlıq xalis faiz gəliri əldə etməsi deməkdir.

Bankın qeyri-faiz gəlirləri 1,23 mln. manat, qeyri-faiz xərci isə 6,58 mln. manat təşkil edib. Bununla da kommersiya bankının əməliyyat mənfəəti 9,13 mln. manata çatıb ki, bu da ötən ilin analoji dövrü ilə müqayisədə 6,2 faiz bu il daha çox artımın olması deməkdir.

Buna baxmayaraq bank bu il də 6 mln. manatdan çox aktivlər üzrə mümkün zərərlərin ödənilməsi üçün xüsusi ehtiyatın yaradılmasına

ayırmalar edib və nəticədə xalis mənfəəti yuxarıda qeyd olunduğu kimi 3,03 mln. manat təşkil edib. Bu xalis mənfəətdən sonra bankın balansındakı illərin yığılmış zərəri azalaraq 285,44 mln. manata yuvarlanıb.

Bank ard-arda baş vermiş milli valyutanın devalvasiyasından sonra sonuncu dəfə 2017-ci ilin ilk və ikinci rüblərində xalis mənfəət açıqlamışdı.

Ötən ilin yanvar-mart aylarına açıqladığı hesabatda isə əsasən problemli kreditlərin silinməsi hesabına 308 mln. manatlıq zərər etmişdi.

Xatırladaq ki, "NIKOIL Bank” ASC-nin nizamnamə kapitalı 245 mln. manat olmaqla səhmlərinə 93,86% – "Topaz Investments” Şirkəti, 6,00% – fiziki şəxs və 0,14% – "ISR Holdinq” sahibdir.