Nikahdankənar 17 mindən çox uşaq doğulub
14:20 / 25.09.2019
1839
Ötən il Gürcüstanda 17 375 uşaq nikahdankənar doğulub.
Sfera.az bildirir ki, bu barədə Gürcüstan Milli Statistika İdarəsinin hesabatında bildirilib.
Nikahdankənar dünyaya gələn uşaqlar ümumi doğulanların 34%-ni təşkil edib. Hesabatda qeyd olunub ki, nikahdan kənar doğum hallarının yüksək səviyyəsi dini nikahların nəticəsidir ki, bunun da heç bir hüquqi əsası yoxdur.
Qonşu ölkədə 2016-cı ildə nikah olmadan doğulanların sayı 18 104, 2017-ci ildə 18 689 təşkil edib. 2018-ci ildə rəsmi nikahla dünyaya gələn uşaqların sayı isə 1 394 nəfər artaraq 33 760-a bərabər olub.
2018-ci ildə Gürcüstanda diri doğulanların 26 538-i oğlan, 24 600-ü isə qız olub. Cinsi nisbətə gəlincə doğulan 100 nəfər qız uşağına 107,9 oğlan düşüb. (report)