Nəzir verənlərə qəbz təqdim edilsin! - Azərbaycanda nəzir qutuları ilə bağlı YENİ təklif

Nəzir verənlərə qəbz təqdim edilsin! - Azərbaycanda nəzir qutuları ilə bağlı YENİ təklif
Bu gün istənilən bölgəmizə səfər edərkən yolboyu quraşdırılan nəzir qutularına rast gəlmək olur. Lakin bu sahə ilə bağlı hələ də qaranlıq qalan bəzi məqamlar var. Nəzir qutularına toplanan ianələrin xərclənməsində sui-istifadə hallarının olduğu barədə tez-tez müxtəlif fikirlər səsləndirilir. Elə bu istiqamətdə düşüncələr də birmənalı deyil. Bir qism nəzir qutularının ümumiyyətlə ləğv edilməsinin tərəfdarı olsa da, digərləri buna kəskin etiraz edir.
 
Mövzu ilə bağlı Milli Məclisin deputatı Ceyhun Məmmədov Sfera.az-a danışarkən dünyanın ayrı-ayrı ölkələrində bununla bağlı konkret təcrübələrin olduğunu deyib:

"Bu təcrübə ondan ibarətdir ki, bir sıra hallarda həmin nəzir qutularına atılan pullar məscidin idarə olunmasına sərf olunur, bir sıra hallarda isə, imkansız ailələrə xərclənir. Hətta bəzi ölkələrdə və eləcə də, Türkiyədə nəzir verən insanlara əlavə olaraq da qəbz verilir – bir nüsxəsi nəzir verən şəxsdə, bir nüsxəsi isə qəbul edən tərəfdə saxlanılır və bu, nömrələnmiş çeklər olur. 

Hesab edirəm ki, bu mexanizmi biz də ölkəmizdə tətbiq edə bilərik. Cəmiyyətimizdə bu məsələ ilə bağlı uzun illərdir müəyyən suallar var. Ola bilsin ki, həqiqətən o nəzirlər məscidlərin idarə olunmasına sərf olunur. Amma fikrimcə, insanlarımızda dəqiq məlumatların olması, yanlış təsəvvürlərin yaranmaması üçün bu barədə ciddi şəkildə düşünməli və şəffaf mexanizmlər üzərində işləməliyik”.

Müsahibimiz qeyd edib ki, nəzirlərin xərcləndiyi yerlər barədə geniş məlumat verilmədiyi üçün insanlar özlərindən müəyyən fikirlər yürüdürlər:
"O baxımdan aylıq davamlı hesabların təqdim olunması və ictimaiyyətin məlumatlandırılması ümumi işin xeyrinə ola bilər. Eyni zamanda bu, insanlarda bir sıra hallarda yaranmış təsəvvürlərin də aradan qalxmasına təkan verər”.

Günay Rəsulqızı
Sfera.az

Sehliyali
Turan Bank

OXŞAR XƏBƏRLƏR

DİN əhaliyə müraciət etdi: “Sədərək” və “Binə” ticarət mərkəzləri...

Son günlər Azərbaycanda koronavirusa yoluxanların sayında ciddi artım müşahidə olunur. Artıq iki ilə yaxındır pandemiya şəraitində yaşamağımıza baxmayaraq, bəzi...

"Məhdudiyyətlərin tətbiq olunması barədə düşünmək lazımdır" - DEPUTAT

Son günlər Azərbaycanda koronavirusa (COVİD-19) yoluxanların sayında kəskin artım qeydə alınır. Yoluxmalar xüsusilə orta məktəb müəllimləri və şagirdləri arasın...

Bakıda altı nəfərin ölümünə səbəb olan tələbə universitetdən çıxarılacaqmı?

Oktyabrın 13-də Bakıda altı nəfərin ölümü, 20-dən çox şəxsin yaralanması ilə nəticələnən ağır yol qəzasını törədən Əzizov Mahmud Babagözəl oğlu Bakı Mühəndislik...

Daha bir məktəb distant təhsilə keçdi

Xırdalan şəhər 7 nömrəli tam orta məktəb müəllim və şagirdlər arasında COVID-19-a kütləvi yoluxma səbəbindən distant təhsilə keçib.    Bu barədə Sfe...

Xəstə olduğu deyilən Artur Rasizadədən AÇIQLAMA

Sabiq baş nazir Artur Rasizadə səhhəti ilə bağlı yayılan xəbərlərə münasibət bildirib. Sfera.az xəbər verir ki, modern.az-a telefon açan sabiq baş nazi...

Azərbaycanda İran meyilli saytlar və “Youtube” kanalları bağlandı

Azərbaycanda İran meyilli saytlar bağlanıb.   Sfera.az bildirir ki, bu barədə tanınmış araşdırmaçı jurnalist Elçin Alıoğlu məlumat yayıb. O, sözügedən sa...