“New York Post” Kennedinin qətlində yeni izlər tapıb – Nikita Xruşşovun əmri ilə öldürülüb?
16:16 / 25.02.2021
2154
Li Harvi Osvaldı şəxsən tanıyan SSRİ Dövlət Təhlükəsizlik
Komitəsinin generalı Nikolai Leonov, Con Kennedinin Nikita Xruşşovun əmri ilə
amerikalı tərəfindən öldürülməsi versiyasının pərdəarxasını açıqlayıb.
İki "dahi" Uorren Komissiyasının hesabatını deşifrə etdi
"New York Post” qəzeti 22 fevral tarixli məqaləsində, 1993-1995-ci illərdə
MKİ-nin direktoru olan Ceyms Vulsi ilə general-leytenant və fevralın əvvəlində COVİD səbəbilə dünyasını dəyişən,
bir zamanlar Rumıniya Sosialist
Respublikasının gizli polisinin rəhbəri vəzifəsini icra etmiş,
general-leytenant Lon Mihay Paçepanın
"Əjdaha Əməliyyatı: Kremlin Amerika ilə gizli müharibəsi"
kitabının qısa məzmununu təqdim edib.
Müəlliflər iddia edirki, Li Harvi Osvald SSRİ
Dövlət Təhlükəsizlik Komitəsi zabiti olub və Nikita Xruşşov şəxsən özü ona ABŞ
prezidentini qətlə yetirmək əmri verib.
Amma nüvə müharibəsindən ehtiyat edən SSRİ Dövlət Təhlükəsizlik Komitəsi
Xruşşovu bu fikrindən daşındırıb və əmr ləğv edilib. Buna baxmayaraq, "SSRİ-yə
"sevgidən kor olan”amerikalı ilkin planı reallaşdırıb.
Müəlliflərə görə, bu versiya ilə bağlı bütün dəlillər
Uorren Komissiyasının (sözügedən qətli araşdıran komissiya-red.) 26 cildlik
hesabatında yer alıb, amma "dəlillərin
böyük hissəsi şifrələndiyindən bu
günə qədər heç kəs onların mənasını anlamırdı".
Vulsi ilə Paçepanın sözlərinə görə, Osvald
1957-ci ildə Yaponiyada ABŞ Dəniz Qüvvələrində xidmət edərkən SSRİ Dövlət Təhlükəsizlik
Komitəsi tərəfindən əməkaşlığa dəvət edilib. 1960-cı ildə məhz onun SSRİ-yə
ötürdüyü məlumatlar sayəsində amerikalı
pilot Heri Pauers vurulub, "1962-ci ildə isə çox guman ki, şəxsən Xruşşovun özü
ona prezident Kennedinin qətlinə hazırlaşmağı tapşırıb”.
"Ona (Osvalda-red.) Sovet xanımı hədiyyə
edir və 1962-ci ilin iyununda SSRİ-nin casusu yenidən ABŞ-a göndərilir",
amma 1963-cü ildə "SSRİ Dövlət Təhlükəsizlik Komitəsi və ölkə rəhbərliyi
Xruşşovun çılğın fikirlərinin SSRİ-inin nüfuzuna xələl gətirdiyini"
"və "Xruşşovun növbəti çılğın addımının nüvə müharibəsinə səbəb ola
biləcəyini anlayır”.
"Hansı dəlilləriniz var?”
Buna görə də tapşırıq ləğv edildi. Amma Osvald
"həddən artıq aludə olmuşdu və başladığı işi sona çatdırmaq istəyirdi”.
Əslində yeni versiyanın bütün "dəlillər”i
Osvaldın məktublarından ibarətdir.
1 iyul 1963-cü il tarixli məktubunda Osvald
Sovet İttifaqının Meksikadakı səfirliyindən özü, xanımı və qızları üçün viza
verilməsini xahiş edir. Vulsi ilə Paçepanın fikrincə, bu onun Kennedini qətlə
yetirdikdən sonra ölkədən qaçmağa
hazırlamasından xəbər verir. Kennedinin qətlindən cəmi iki həftə əvvələ təsadüf
edən 9 noyabr tarixli məktubunu isə
Osvald Moskvadan Mexikoya qayıdandan sonra
yazmışdı. Həmin məktubda o, "yoldaş Kostikov”la görüşünə istinad edir. Vulsi ilə
Paçera isə onu "SSRİ Dövlət Təhlükəsizlik Komitəsinin Birinci Baş İdarəsinin
zabiti Valeri Kostikov” kimi təqdim edir.
"Yoldaş Kostikov” danışır...
Hazırda təqaüddə olan SSRİ Dövlət Təhlükəsizlik
Komitəsinin general-leytenantı, SSRİ DTK xarici kəşfiyyatının keçmiş müavini,
tarix elmləri doktoru, Moskva Dövlət Beynəlxalq Münasibətlər İnstitutunn diplomatiya kafedrasının professoru Nikolay
Leonov Pravda.Ru-ya açıqlamasında Vulsi ilə
Paçepanın qənaətlərini "cəfəngiyat" adlandırıb.
Nikolay Leonov Osvaldın "Kennediyə qarşı
sui-qəsd cəhdindən bir ay əvvəl" Sovet İttifaqının Meksikadakı səfirliyini
ziyarət etdiyini və onunla şəxsən görüşdüyünü təsdiqləyib. Həmçinin əlavə edib
ki, amerikalı doğrudan da SSRİ-dən siyasi sığınacaq istəmişdi. Amma bu
olayların sətiraltısı amerikalı "tədqiqatçılar”ın təqdim etdiyindən tam fərqlidir.
"Mənimlə təkbətək söhbətdə Osvald Amerika
prezidenti ilə heç bir şəxsi-qərəzliyi olmadığını söylədi. Odur ki, onun Amerika prezidentinə qarşı sui-qəsd həyata
keçirməsi üçün heç bir siyasi marağı yox idi.”, - deyə çekist qeyd edib.
Sabiq kəşfiyyatçının sözlərinə görə, Osvaldın
psixoloji problemləri vardı. O daim təqib olunduğunu düşündüyündən, üzərində
tapança gəzdirirdi və hər an özünü müdafiəyə qalxmağa hazır idi.
Amerikalının səfirliyə gəlməkdə və həmin vaxt
səfirliyin üçüncü katibi vəzifəsini tutan Nikolay Leonovla görüşməkdə yeganə məqsədi
ən tez zamanda SSRİ-yə getmək idi.
O, bu istəyini
hər an ölüm təhlükəsi ilə üz-üzə qalması ilə izah edirdi. Amma SSRİ-yə
qayıtmaqçün çox uzun və mürəkkəb prosedur keçməli olduğu qənaətinə gələn Osvald
"bizi bürokrat adlandıraraq bununçün başqa yollar arayacağını bildirdi”.
Kennedi ürəyiyumşaqlıq etdiyinə görə yerli
"şahinlər” tərəfindən öldürüldü
Həmin fikri 2004-cü ildə raket böhranının nəticələrinə
dair konfrans çərçivəsində Nikolay Leonovun Kubada görüşdüyü Robert Streync
Maknamara (Kennedinin prezidentliyi dövründə
müdafiə naziri olub-red.) da təsdiqləyib.
"Maknamara bizə açıq şəkildə dedi ki, Kennedinin
ətrafındakı adamların 70 faizi ondan Kubaya raket zərbəsi endirməyi tələb
edirdi. Yalnız o - Maknamra və Ağ Ev əməkdaşlarının təxminən 30%-i bunun raket-nüvə müharibəsinin
başlanğıcı ola biləcəyini anladıqları üçün bu qərarın əleyhinə çıxırdılar”, - deyə
Nikolay Leonov bildirib.
"Maknamara prezidentə deyib ki, müharibə
başlayacağı təqdirdə heç kəs heç bir Sovet atom bombasının ABŞ ərazisinə düşməyəcəyinə
zəmanət verə bilməz. Kennedi isə cavab verib ki, "Mən ABŞ ərazisinə zərbə
endirilməsi ilə başlayan nüvə müharibəsinə icazə verən ilk ABŞ prezidenti
olmayacağam". Odur ki, məlum qətli zavallı Osvaldın boynuna yıxmayaq, xəstə
adam idi”,- deyə ekspert vurğulayıb.
Nikolay Leonovun yanında İspan dili tərcüməçi
kimi çalışdığı Nikita Xruşşova gəlincə isə, nə onun, nə də bütövlükdə Sovet rəhbərliyinin
"terrorla belə yüksək səviyyədə məşğul olmaq fikri olmayıb”
Bütün günahları Rusiyanın boynuna yıxmağı
qurtarın
Mənbə: pravda.ru
Tərcümə: SelcanSfera.az