Nəqliyyat və rabitə sektorundakı çöküşün səbəbləri – “Heç kim riskli kapital qoyuluşuna getmir”
16:39 / 28.09.2021
938
"Nəqliyyat
və rabitə sektoruna kredit qoyuluşu həcminin azalması biznes aktivliyinin aşağı
düşməsindən qaynaqlanır”.
Bu sözləri
Sfera.az-a açıqlamasında cari ilin 8 ayında ölkənin nəqliyyat və rabitə
sektoruna qoyulan kreditlərin həcmində 21 faizədək azalmanın olması barədə Mərkəzi
Bankın məlumatını dəyərləndirərkən, iqtisadçı ekspert Fuad İbrahimov deyib:
"Pandemiya
ilə əlaqədar digər sahələrdə olduğu kimi, nəqliyyat və rabitə sektorunda da
biznes aktivliyi müəyyən dərəcədə azalıb. İnsanlarda son dövrlər qənaətçilik
paradoksu yaranıb. Qənaətçilik paradoksu yarananda vətəndaş bütün bazar münasibətlərindən
kənara çəkilir. Pandemiya ilə bağlı sabaha etibarın itməsi belə vəziyyətə gətirib
çıxarıb. Bu halda insanlar öz artıq vəsaitlərini ancaq birinci dərəcəli vacib məsələlərə
yönəldir. Belədə heç kim riskli kapital qoyuluşuna getmir”.
Bununla
belə, həmsöhbətimiz düşünür ki, ilin sonuna doğru sözügedən sahələrə kredit
qoyuluşu üzrə illik balans bərpa olunacaq: "Son bir-iki
ayda ölkədə biznes aktivliyi müəyyən dərəcədə artıb. Düşünürəm ki, ilin sonunda
doğru illik balans öz yerini tutacaq”.