Neftçilərin 92 yaşlı Xoşbəxt simvolu – O, Xəzərdə hansı ixtiraları edib?

Neftçilərin 92 yaşlı Xoşbəxt simvolu – O, Xəzərdə hansı ixtiraları edib?
Yusifzadə Xoşbəxt Bağı oğlu 1930-cu ildə Bakı şəhərinin Pirşağı kəndində anadan olub. 1952-ci ildə M.Əzizbəyov adına Azərbaycan Sənaye İnstitutunun (indiki Azərbaycan Dövlət Neft və Sənaye Universiteti (ADNSU)) geoloji-kəşfiyyat fakültəsini "Neft və qaz yataqlarının geologiyası və kəşfiyyatı” üzrə bitirərək "dağ mühəndisi-geoloq” ixtisasına yiyələnib.

Sfera.az xəbər verir ki, Xoşbəxt Yusifzadə əmək fəaliyyətinə elə həmin il təyinatla SSRİ Neft Sənayesi Nazirliyinin Layihə İnstitutunun Bakı filialında başlayıb, lakin az sonra o vaxt təzə təşkil olunmuş "Dənizneft” Birliyində işə qəbul edilib, burada Geoloji şöbənin rəis müavini, sonra isə "Azneft” Birliyində böyük geoloq vəzifələrində çalışıb. 

1954-cü ildə "Gürganneft” Trestinin (indiki Neft Daşları NQÇİ) birinci mədəninin böyük geoloqu vəzifəsinə təyin edilib və o vaxtdan da dəniz neft yataqlarının kəşfiyyatı və işlənilməsinin ömürlük iştirakçısına və rəhbərinə çevrilib.

X.Yusifzadə 1958-1959-cu illərdə "Neft Daşları” Mərkəzi elmi-tədqiqat və istehsalat işləri sexinin baş geoloqu, 1959-1960-cı illərdə həmin sexin rəisi vəzifələrində işləyib.

1960-cı ildə, o, Sovet İttifaqi Kommunist Partiyasının XXII qurultayı adına neft mədənləri İdarəsi (keçmiş "Gürganneft”) rəisinin müavini-baş geoloq vəzifəsinə təyin olunub və bu vəzifədə 1963-cü ilədək çalışıb.

1963-cü ildən 1970-ci ilədək "Başdənizneft” İdarəsində Baş geoloqun müavini, şöbə rəisi, "Dənizneft” İB-nin Geoloji-kəşfiyyat şöbəsinin rəisi-baş geoloqun müavini olub.

1970-1992-cı illərdə "Xəzərdənizneft” İB-nin (müxtəlif illərdə strukturun adı fərqli olub) Baş direktorunun müavini-baş geoloq vəzifələrində işləyib.

1992-1994-cü illərdə "Azərineft” Dövlət Konserninin birinci vitse-prezidenti, ARDNŞ prezidentinin müşaviri, 1994-2004-cü illərdə ARDNŞ-nin Geologiya, geofizika və yataqların işlənməsi üzrə vitse-prezidenti, 2004-2016-cı illərdə ARDNŞ-nin Geologiya, geofizika və yataqların işlənməsi üzrə birinci vitse-prezidenti vəzifələrində çalışıb.

2016-cı ildə Azərbaycan Respublikası Prezidentinin Sərəncamı ilə SOCAR-ın birinci vitse-prezidenti vəzifəsinə təyin olunub.Akademik nəşr olunmuş 200-dən çox elmi əsərin, o cümlədən 18 monoqrafiyanın, 8 ixtiranın müəllifidir.

Onun bilavasitə iştirakı və rəhbərliyi ilə Azərbaycanda 20-dən artıq neft və qaz-kondensat yatağı, o cümlədən "Azəri”, "Çıraq”, "Günəşli”, "Şahdəniz”, "Kəpəz”, "Bahar”, "Ümid”, "Abşeron” kimi məşhur yataqları kəşf edilib. 

Neft və qaz sənayesinin inkişafında, xüsusilə dəniz neft və qaz-kondensat yataqlarının axtarışı, kəşfi və işlənməsində əvəzsiz xidmətlərinə görə akademik X.Yusifzadə keçmiş SSRİ-nin iki "Qırmızı Əmək Bayrağı” ordeni (1963, 1976), "Şərəf nişanı” ordeni (1971), Azərbaycan Respublikasının "İstiqlal” (2000), "Şöhrət” (2004), "Şərəf” (2010), 1-ci dərəcəli "Əmək” (2017) ordenləri, Azərbaycan Respublikasının Heydər Əliyev Mükafatı (2019), "Heydər Əliyev” ordeni (2020) və başqa mükafatlarla təltif olunub.

Neft hasilatında nanotexnologiyanın inkişafı və tətbiqi sahəsində görkəmli xidmətlərinə görə akademik X.B.Yusifzadə UNESKO medalı ilə də təltif olunub, adı bu beynəlxalq təşkilatın ensiklopediyasına daxil edilib (2010).

Dünya elmi və iqtisadiyyatı qarşısında xidmətlərinə görə Birləşmiş Millətlər Təşkilatının İsveçrənin Cenevrə şəhərində fəaliyyət göstərən İctimai Təltif Şurasının qərarı ilə Avropa Ali Xidmət ordeni ilə (2018) mükafatlandırılıb. 

2016-cı ildən ADNSU geoloji-kəşfiyyat fakültəsinin əlaçı tələbələrinə, 2020-ci ildən isə Bakı Ali Neft Məktəbinin Neft-qaz mühəndisliyi ixtisası üzrə təhsil alan iki tələbəyə akademik Xoşbəxt Yusifzadə təqaüdü təsis edilib.
 
(bizim.media)
Sehliyali
Turan Bank

OXŞAR XƏBƏRLƏR

Biabırçı görüntülərin çəkildiyi məktəbin direktoru danışdı - VİDEO

Xəbər veridiyimiz kimi ötən gündən etibarən sosial şəbəkələrdə sinif otağında şagirdlərin müəllimə qarşı xoşagəlməz həkətlərini əks etdirən video görüntülər yay...

Gömrük Komitəsinin “görmədiyi” məhsullar - VİDEO

Paytaxtda yerləşən İran mağazalarında bəzi məhsulların üzərində son istifadə tarixi fars əlifbası ilə verilir. Bundan başqa, tarix hicri təqvimi ilə olduğuna gö...

Azərbaycanlı İngiltərədə cinsi zorakılıq ittihamı ilə həbs olundu

Jurnalist olduğunu iddia edən 34 yaşlı Azərbaycan vətəndaşı Ceyhun Zeynalov Böyük Britaniyada seksual qısnama ittihamı ilə mühakimə olunub. Sfera.az "Dail...

Polis münəccimlik etməlidir? - DİN rəsmisi

"Konkret fakt verən yoxdur. Danışırlar, yazırlar ki məktəbdə patı var, patı satırlar. Polis münəccimlik etməlidir?" Sfera.az xəbər verir ki, bu barədə Dax...

"Parkovşik"in yığdığı pul kimin cibinə gedir? - VİDEO

Bir neçə gündür polis sürücülərdən parklanmaya görə pul tələb edən şəxslərə qarşı reyd keçirir. Sirr deyil ki, Bakı küçələrində hər gün minlərlə sürücü avtomobi...

Azərbaycanda bu şəxslərə dərmanlar pulsuz verilir - SİYAHI

Azərbaycanda hansı şəxslərə dərmanların pulsuz verildiyi açıqlanıb. Sfera.azxəbər verir ki, İcbari Tibbi Sığorta üzrə Dövlət Agentliyi tərəfindən Respubli...