Sfera.az "Prime” agentliyinə istinadən xəbər verir ki, Bakı vaxtı ilə saat 8.53-ə olan məlumata görə, Şimal dənizində hasil olunan "Brent” neftinin avqust fyuçersləri 0,44 % bahalaşaraq, 1 bareli 74,06 ABŞ dollarına satılıb. WTI neftinin iyul fyuçerslərinin qiyməti isə 0,36 % aşağı düşərək, 1 bareli 71,89 ABŞ dolları təşkil edib.

Daha əvvəl ABŞ-da xammal ehtiyatlarının artması haqqında xəbərlər neftin qiymətində nəzərəçarpacaq artıma səbəb olmuşdu. Belə ki, ölkənin Energetika Nazirliyi ötən həftə ərzində kommersiya ehtiyatlarının 7,4 milyon barel azalaraq, 466,7 milyon barelə düşdüyünü açıqlamışdı. Analitiklər ehtiyatların 3,3 milyon barel azaldığını güman edirdilər.

Bundan başqa, ABŞ Federal Ehtiyatlar Sisteminin (FES) iclasından sonra möhkəmlənməyə başlayan dollar da neftə təsir göstərir.