No Image
No Image

“Nə yaxşı ki, biz imtahandan üzü ağ çıxırıq” – Qulu Məhərrəmli

“Nə yaxşı ki, biz imtahandan üzü ağ çıxırıq” – Qulu Məhərrəmli
"Bu gün bizim sevinən mərhələmizdir. Xalqımız, ordumuz sınaqdan keçir. Dünyaya ağlımızı, şüurumuzu, gücümüzü göstəririk”.

Sfera.az xəbər verir ki, bunu tanınmış jurnalist, professor Qulu Məhərrəmli doğma yurdu Zəngilanın işğaldan azad olunması barədə danışarkən deyib. O bildirib ki, Zəngilanın və digər yaşayış yerlərimizin azad olunması tarixi hadisədir.

"Özümü Azərbaycan məhsulu hesab edirəm. Zəngilanda doğulmuşam, 10 il orta məktəbi Şuşada oxumuşam, Bakıda evlənmişəm. Bir çox tərəflər mənim həyatımda birləşib. Azərbaycanlı üçün torpağın hər qarışı doğmadır. Füzuli, Cəbrayıl, Xocavəndin kəndləri alınanda necə sevinirdimsə, Zəngilana da elə reaksiya verdim. Sabah Qubadlı azad olunanda da eyni hissləri yaşayacağam.

Doğrudur, əzizlərinin uyduğu məkanın artıq sənin əlində olması ayrı bir hisdir. Sözlə ifadə edilməyəcək dərəcədə zəngin bir duyğudur. Uşaqlığım, qaçdığım o cıdırlar yenə gözlərimin önündə canlandı. Bizə bu duyğunu yaşadan ordumuza, generalımıza, Ali Baş Komandanımıza minnətdarıq. Və bütün xalqıma təşəkkür edirəm ki, bir yumruq kimi ordunun arxasında dayanır”.

Jurnalist birinci Qarabağ müharibəsinin şahidi olduğunu, həmvətənlərimizin dərdini, acısını şəxsən gördüyünü dilə gətirib.

"Mən 1991-ci ildən başlayaraq cəbhə bölgələrindən reportajlar hazırlayırdım. Səngərlərdə müsahibələr alırdım, canlı efir aparırdım. Bütün hadisələrin içində idim. Xocalı faciəsi mənim həyatımda dönüş anı oldu. Çünki ay yarıım qabaq mən orada olmuşdum. Kazarmada əsgərlərimizlə birgə 10 gün qaldım. Və həmin döyüşlərdə həlak olan insanlarla tanış idim. İndi də danışanda onlar gözümün qabağından keçdi. Sözün əsl mənasında qəhrəman kimi döyüşüb həlak oldular. Bütün bunları görmək dəhşətli bir hiss idi. Hadisələr mənə hopmuşdu. Real vəziyyətin necə olduğunu gördüm. Prosesləri dərk edəndə içindən böyük ağrılar keçir. İnsanın kədəri həmişə dərin olur. Sevinc hissi isə fərqlidir. Bunu müqayisə etmək çətindir. Bu gün bizim sevinən mərhələmizdir. Birinci Qarabağ savaşında yarımçıq qalmış döyüş planlarımızı ordumuz davam etdirir. Tarixi sınaq günlərini yaşayırıq. Xalqımız, ordumuz sınaqdan keçir. Dünyaya ağlımızı, şüurumuzu, gücümüzü göstəririk.

Hüseyin Cavidin belə bir sözü var :"Bugünkü müharibədə toplar, tüfənglər deyil, hər məmləkətin ədəbiyyat və fəlsəfəsi ilə bəslənən beyinlər də ayrıca haizi-əhəmiyyətdir”. Nə yaxşı ki, biz imtahandan üzü ağ çıxırıq”

OXŞAR XƏBƏRLƏR

Bakıda yaşlı kişi köşkdə yanaraq ÖLDÜ

Bakı şəhərinin Nərimanov rayonunda ümumi sahəsi 3 m² olan taxtadan ibarət gözətçi köşkünün yanar konstruksiyaları yanıb. Sfera.az FHN-ə istinadən xəbər ve...

Təhlükəli Kəlbəcər yolları - VİDEO

Noyabr ayı olmasına baxmayaraq, Kəlbəcərdə artıq sərt hava özünü göstərir. Sosial mediada yayılmış görüntükərdə Kəlbəcərin qarlı-buzlu yollarında avtomobi...

Bakı-Quba yolunda sürücü idarəetməni itirərək qəza törətdi - FOTO

Bakı-Quba yolunda yol-nəqliyyat hadisəsi baş verib. Sfera.az xəbər verir ki, hadisə yolun 15-ci km-də qeydə alınıb. Belə ki, 90-GD-426 dövlət nömrə ...

Dopinqlə mübarizə haqqında qanun imzalandı

MDB Parlamentlərarası Assambleyası noyabrın 27-də keçirilən plenar iclasda idmançıların dopinq istifadəsinə qarşı mübarizənin qanuni əsaslarını əks etdirən mode...

Türkiyə HƏRƏKƏTƏ KEÇDİ - Ordu döyüş vəziyyətinə gətirildi

Şərqi Aralıq dənizində Avropa İttifaqının "İrini" əməliyyatmı çərçivəsində Türkiyəyə məxsus "Roseline-A" ticarət gəmisində qanunsuz axtarış aparılmasından sonra...

Evə dönməyə hazırlaşan əsgərlərimizin rəqsi - VİDEO

Cəbhə bölgəsindən evlərinə dönməyə hazırlaşan rəşadətli əsgərlərimiz əylənərək rəqs edirlər.  Sfera.az xəbər verir ki, döyüşçülər hərb həyatlarının a...