Nazir və baş prokuror generalları Tovuza göndərdi - Nərminin ölümünə görə

Nazir və baş prokuror generalları Tovuza göndərdi - Nərminin ölümünə görə
 

Tovuzdakı cinayət birbaşa Daxili İşlər naziri Vilayət Eyvazov və Baş Prokuror Zakir Qaralovun  nəzarətindədir.

Sfera.az xəbər verir ki, bunu modern.az-a Daxili İşlər Nazirliyinin mətbuat xidmətinin rəisi, polkovnik Ehsan Zahidov bildirib.

O qeyd edib ki, hər iki qurumun vəzifəli şəxsləri 10 yaşlı Nərminin meyitinin aşkar edildiyi zamandan hadisə yerinə ezam ediliblər:

"Daxili İşlər Nazirliyinin Baş Cinayət Axtarış İdarəsinin rəisi, general-mayor Arzu Daşdəmirov və Baş Prokurorluğun Daxili işlər orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin rəisi, general Kamal Qılıcov Əməliyyat istintaq qrupunun rəhbəri kimi həmin gündən rayona ezam olunublar. Onlar əməliyyat-istintaq tədbirlərinə nəzarət edirlər”.

Tovuzda qətlə yetirilərək yandırılan Nərmin Quliyevanın atası Şərif Quliyev isə Modern.az-a cinayətkarın yaxud cinayətkarların tez bir zamanda müəyyən ediləcəyinə inandığını bildirib:

"Hazırda hüquq-mühafizə orqanları, Baş Prokuorluğun, Daxili İşlər Nazirliyinin yüksək rütbəli şəxsləri kənddədirlər və araşdırma aparırlar”.

Qeyd edək ki, Baş Prokurorluğun yaydığı məlumata görə, Tovuz rayonunun Dondar Quşçu kəndində anadan olmuş 2010-cu il təvəllüdlü Quliyeva Nərmin Şərif qızının 21 noyabr 2019-cu il tarixdə itkin düşməsi ilə əlaqədar aparılmış araşdırmalarla onun qəsdən öldürülməsinə kifayət qədər əsaslar müəyyən edildiyindən Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə) maddəsi ilə cinayət işi başlanıb.

OXŞAR XƏBƏRLƏR

Prokurorluqdan Nərminin qətli haqda — Yeni məlumat...

 Tovuz rayonunun Dondar Quşçu kəndində öldürülən 10 yaşlı Nərmin Quliyevanın qətli ilə bağlı araşdırmalar davam edir.   Sfera.az xəbər verir ki, ...

Nərmin Quliyevanın qətlinə görə üç nəfər istintaqa çağırıldı

  Tovuz rayonunun Dondar Quşçu kəndində öldürülən 10 yaşlı Nərmin Quliyevanın qətlində adı hallanan kənd sakini Altay Ələkbərov, hadisəni gördüyü iddia ed...

Öldürülən Nərminin gündəliyi: “Atam məni sevsəydi…”

Tovuz rayonu, Dondar Quşçu kəndinin 10 yaşlı sakini Nərmin Quliyevanın qətli ilə əlaqədar internetdə səs yazısını yayan anonim müəllif öz oyununu oynayır. Bu b...

Nərminin qətlindəki yeni şübhəli də saxlanıldı: “ALTAYI DÜNƏN AXŞAM TUTUBLAR…”

  Tovuzun Dondar Quşçu kəndində oğurlanaraq qətlə yetirilən 10 yaşlı Nərmin Quliyevanın nənəsi Minayə İsmayılova virtualaz.org-a açıqlama verib. Bildirib ...

NƏRMİNİN NƏNƏSİ ALTAYIN HƏBSİNİ TƏLƏB ETDİ: “Polisə aparsalar…”

  Tovuzda qətlə yetirilərək yandırılan 10 yaşlı Nərmin Quliyevanın nənəsi Minayə İsmayılova qeyd edilən cinayətlə bağlı sosial şəbəkədə yayılan səs yazısı...

Koronovirus əleyhinə dərman tapıldı - SON DƏQİQƏ!

  Koronavirus əleyhinə maddə tapılıb. Sfera.az  AMEA-nın saytına istinadla xəbər verir ki, Marburq Universitetinin alimləri Çində 2019-cu ilin ...