Nazim İbrahimova bu maddə ilə cinayət işi açıla bilər – 6 ilədək həbs cəzası?
17:21 / 08.09.2021
1724
Ukraynada
qətlə yetirilmiş Elçin Əliyevin qatilinin kimliyini Diasporla İş üzrə Dövlət
Komitəsinin keçmiş sədri Nazim İbrahimovun da bildiyi ortaya çıxıb.
Belə ki,
Elçin Əliyevin yaxın dostu olmuş, "Olaylar” qəzetinin baş redaktoru Yunis Oğuz
açıqlamasında bildirib ki, dostunun kimin tərəfindən öldürüldüyünü Nazim İbrahimov
qətl gününün səhəri deyib.
Maraqlıdır,
Nazim İbrahimov cinayətkarın kimliyini uzun illər gizlətməklə bağlı məsuliyyətə
cəlb oluna bilərmi?
Məsələ
ilə bağlı Sfera.az-a danışan vəkil Adəm Məmmədov cinayətkarı gizlədən şəxsi 6
ilədək həbs cəzasının gözlədiyini bildirib:
"Ağır
və xüsusi ağır cinayətlər barədə məlumatı olub, polisə xəbər verməmək məsuliyyət
yaradır. Əgər adıçəkilən şəxsin cinayətlə bağlı əvvəlcədən məlumatının olması
aşkara çıxarsa, o zaman təqsirləndirilən insan 307-ci maddə ilə cinayət məsuliyyyətinə
cəlb oluna bilər.
Ağır və
ya xüsusilə ağır cinayətin hazırlanmasını və ya törədilməsini bilərək həmin
cinayət barəsində xəbər verməmək beş yüz manatdan min manatadək miqdarda cərimə, iki ilədək müddətə islah işləri və ya iki ilədək müddətə azadlıqdan məhrum
etmə ilə cəzalandırılır. Xüsusi ağır
cinayətlərdə 2 ildən 6 ilədək həbs cəzası var. Bu yaxınlarda cinayətkarın
kimliyini bilib, gizlədən bir nəfəri üç il azadlıqdan məhrum etdilər".
Sfera.az
