Sfera.az oxu.az-a istinadla xəbər verir ki, bu sözləri müğənni Nazənin Salayeva deyib.

Sükan arxasında əyləşən sənətçi bildirib ki, onu son dönəmlərdə narahat edən əxlaqsız şəxslərə xanım, bəy, müəllim kimi sözlərlə müraciət edilməsidir. N.Salayeva bunun günahını televiziyalarda gördüyünü açıqlayaraq, fikirlərini belə davam etdirib: 

"Bunu ən çox televiziya kanalları edir. Əxlaqsıza xanım deyə müraciət edirlər. Sən xanım kəlməsini gəlininə də, bacına da deyirsən. Əxlaqsız kişiyə bəy, müəllim deyə müraciət edirlər. Olmaz, bu, yolverilməzdir! Pedaqoqa, akademika də müəllim deyirlər. Bu nə dərəcədə düzgündür? Geni elə biz xarab edirik. Bunlar da elə zənn edirlər ki, düz hərəkət edirlər. Bilmirsən nə deyəsən? Danışanda da deyirlər ki, özünü reklam edir”.

Nazəninin qalmaqallı çıxışını onunla avtomobildə yanaşı əyləşərək lentə alan müğənninin sənət yoldaşı Afət Fərmanqızı "Instagram” hesabında paylaşıb. O, Salayevanın bu çıxışına "Həmkarımın bu çıxışı ilə tamamilə razıyam”, - deyərək mövzuya qısa reaksiyasını bildirib.