Navalnının qayıdışı, Ukrayna ilə müttəfiqlik... – Co Bayden Rusiyaya hansı sürprizlər hazırlayıb?
14:44 / 18.01.2021
2806
"Rusiya üçün Baydenlə ortaq nöqtələr tapmaq son dərəcədə çətin olacaq. Ümumiyyətlə çətin ki, ortaq nöqtələr tapılsın".
Bunu
Sfera.az-a açıqlamasında ABŞ-da Co Baydenin adminstrasiyasının Rusiyaya münasibətdə
hansı addımları ata biləcəyinə aydınlıq gətirərkən "Atlas” Araşdırmalar Mərkəzinin
rəhbəri Elxan Şahinoğlu deyib:
"Öncə
ondan başlayaq ki, Rusiya müxalifətinin liderlərindən olan Aleksey Navalnı
Rusiyaya qayıtmaqla hiyləgər gediş edib. Almaniyada qalsaydı artıq siyasətçi
kimi sıradan çıxacaqdı. Real həbs təhlükəsinə rəğmən onun Rusiyaya qayıtması isə
nüfuzunu əhəmiyyətli şəkildə artıracaq. Onun bu gedişi Qərbdə də yüksək qiymətləndirilib.
Navalnı
ölkəsinə qayıtmaqla sözsüz ki, ABŞ-ın yeni prezidenti Co Baydenin Rusiyaya
qarşı münasibətdə sərt xətt tərəfdarı olduğunu əsas götürüb. Görünür, məhz bu
amil onu həbs təhlükəsinə baxmayaraq geri qayıtmağa ruhlandırıb. Bayden Navalnı məsələsini kənarda saxlaya
bilməz. Onun Rusiyaya münasibəti sərtdir. Navalnının həbsi isə onun Kremlə
münasibətdə bu sərtliyini daha da artıracaq”.
Ekspert Barak
Obama dövründə Ukrayna ətrafındakı proseslərin vitse-prezident olaraq Co Baydenə
tapşırıldığını xatırladaraq bunları deyib:
"Bayden
həmin dövrdə tez-tez Kiyevə gəlirdi və verdiyi açıqlamaları ilə Moskvaya
münasibətdə sərt siyasət tərəfdarı olduğunu göstərirdi. İndi həmin siyasəti prezident
olaraq davam etdirəcək. Ukraynaya dəstək Rusiyaya qarşı sərt siyasətin
davamıdır. Belə baxanda, Donald Trampın dönəmində də Rusiyaya qarşı sərt siyasətdə
yumşalma olmadı. Tramp istərdi ki,
Moskva ilə münasibətlər normal olsun.
Amma Konqres, Dövlət Departamenti, Pentaqon onun əl-qolunu bağlayırdı.
İndi isə Ağ Evdə oturan şəxsin özü də Rusiyaya qarşı sərt siyasət tərəfdarıdır.
Bu siyasət gələcək illərdə də davam edəcək”.
Həmsöhbətimiz
hesab edir ki, Rusiyaya münasibətdə əlavə sanksiyalar gündəmə gələcək:
Elçin
Sfera.az
