Narkotik satışının leqallaşdırılması təklifinə MİLLƏT VƏKİLİNDƏN ETİRAZ

Narkotik satışının leqallaşdırılması təklifinə MİLLƏT VƏKİLİNDƏN ETİRAZ


"Belə halların qarşısının alınması və fərqli reseptlərin tapılmasının tərəfdarıyam. Bir qrup adam xəstəliyə tutulubsa, onun "hüququnu” tanımaq adı altında milyonlarla insanın həyatını risk altına atmaq düzgün deyil”.


Bu sözləri Sfera.az-a açıqlamasında Respublika Narkoloji Mərkəzin direktoru Araz Manuçeri-Laleinin gec-tez Azərbaycanda yüngül narkotik vasitələrdən istifadənin leqallaşdırılacağı barədə fikrinə münasibət bildirərkən Milli Məclisin deputatı Fərəc Quliyev deyib:


"Bu barədə mövqeyim fərqlidir. Parlamentdə "Narkotik vasitələrin istifadəsi, onun əkilib becərilməsinə qarşı mübarizə” ilə bağlı qanunda dəyişiklik olanda bildirmişdim ki, bu istiqamətdə ən sərt tədbirlər görülməlidir. Hesab edirəm ki, narkotikin ölkəyə gətirilməsi, becərilməsi, daşınması və s. hallarla bağlı qəbul olunan qərarlarda çox yüngül cəzalar nəzərdə tutulub”.


Deputat nəinki yüngül narkotik vasitələrdən istifadənin leqallaşdırılması əleyhinədir, hətta bu istiqamətdə cəzaların ağırlaşdırılmasının tərəfdarıdır: "Bu cəzaları həddən artıq ağırlaşdırmaq lazımdır. Bunun kökünü kəsmək üçün ciddi tədbirlər görülməlidir. Mövcud olan xəstələrin müalicəsinin aparılması başqa məsələdir. Ancaq yüngül narkotik vasitələrdən istifadəni leqallaşdırmaqla gələcəkdə böyük fəsadlara yol açmış olarıq. Düzdür, bir sıra Avropa ölkələrində yüngül narkotikdən istifadəyə yol verilir. Amma hər zaman Avropadan axmaq işləri əxz etməklə məşğul olmamalıyıq. Onların texnologiyasından, inkişafa nail olduqları sahələr üzrə müəyyən uğurlarından yararlanmalıyıq”.

 

Elçin

OXŞAR XƏBƏRLƏR

“MƏNZİLLƏR BAHALAŞACAQ…” – Ekspert bunu şərtləndirən səbəblərdən danışdı

  "Yeni vergi sisteminə keçidlə əlaqədar tikinti şirkətləri mənzillərin qiymətində müəyyən artımlara getməyə məcbur olacaqlar”. Sfera.az-a açıqla...

Bu icra başçılarının “yuxusu ərşə çəkilib” – PA-ya daha çox hansı rayonlardan şikayətlər daxil olub?

Xəbər verdiyimiz kimi, Ağstafa Rayon İcra Hakimiyyətinin başçısı Nizaməddin Quliyev, onun birinci müavini Tatarov Ramiz dekabrın 18-də axşam saatlarında ...

“Sərhəddə nəzarəti gücləndirməliyik” – Tanınmış həkim koksaki virusunun hansı ölkədən gəldiyini açıqladı

"Koksaki virusunun yaratdığı dərin təsirlərin fərqində olmadığımız halda, ola bilər ki, həmin viruslar bir müddət sonra hansısa yeni xəstəliyin əsasını q...

Cavid Qurbanovdan xəbərdarlıq: "Evlərinizi elə yerdə tikin ki, sonradan sökülməsin..."

  "Bakıda "Şanxay” adlanan ərazidə dəmir yolu xətlərinə sıx tikilən evlərlə bağlı məsələnin həll edilməsi istiqamətində işlər aparılır”. Sfera.az-ın...

Yaşayış minimumu 190 manat, sosial yardım 160 manat olacaq

  Prezidenti İlham Əliyev 2020-ci il üçün yaşayış minimumu və ehtiyac meyarının həddi haqqında qanunları təsdiq edib. Sfera.az xəbər verir ki, 2020-...

BNA üçün hansı önəmlidir: Prezidentin göstərişləri yoxsa, maddi qazanc? - VİDEO

Ölkə başçısı İlham Əliyev paytaxt Bakının bir nömrəli probleminə çevrilmiş tıxacların aradan qaldırılması məqsədilə yolların genişləndirilməsinə dair göstəri...