Narkobaronlar texnologiyadan maksimum yararlanır – “Ona görə də ələ keçmələri çətin olur”
15:48 / 06.07.2021
1957
"Texnologiyanın inkişafı bir sıra sahələrə
müsbət təsir etsə də, bəzilərinə ziyan vurub. Eləcə də, texnoloji tərəqqinin cinayətkarların
fəaliyyətinə yardımını da danmaq olmaz”.
O bildirib ki, narkotik satışı əvvəlcə
Avropada, daha sonra Rusiyada yayılmağa başlayıb və oradan da Azərbaycana keçid
edib:
"Kriminal aləm başsız deyil. Narkotikləri
dövriyyəyə buraxan, bir ölkədən digərinə keçirən narkobaranlar, onlara qulluq
edən texnoloqlar, həmçinin texnologiyanı yaxşı bilən alimlər var. Yəni, hüquq
mühafizə orqanları ilə cinayətkarların
inkişafı paralel surətdə gedir. Bu baxımdan "onlayn narkotiklə bağlı məsələlərin
qarşısı alınmır”, demək də olmaz. Lakin qarşı tərəfin də manevrlərini nəzərə
almaq lazımdır. Bir üsul ifşa olunandan sonra cinayətkarlar digərinə keçid
edirlər. Mübarizələrin getməsinə baxmayaraq, narkotik satanların, istifadəçilərinin
sayı ya artır ya da azalır – rəqəmlər dəyişir”.
"Sivil ölkələrdə istifadəçilərə qarşı cinayət
işi qaldırmırlar. Onlar dövlət səviyyəsində nəzarətə götürülür, xəstə insan
kimi qeydiyyata alınırlar. Yüksək təbəqəli hüquqi demokratik ölkələrdə tibbi təcridxanalar
fəaliyyət göstərir. Həmin şəxslər ətraf mühitdən, ailələrindən, yaxınlarından
müəyyən qədər təcrid olunur, məhkəmə qərarı ilə məcburi müalicəyə cəlb edilirlər.
Əsas narkotiki satanlardır, onları tutmaq lazımdır.
Bəziləri tutulsa da, bəziləri
yüksək səviyyədə himayə olunurlar. Bir də görürsən, hansısa dövlət məmurları da
narkosindikatlarla əlbir olur, onalara şərait yaradırlar. Çünki ortada
milyardlarla dollardan söhbət gedir. Bunların ifşası daha önəmlidir. İstifadəçi isə sadəcə bədbəxtdir, müalicəyə cəlb
olunmalı xəstədir. Amma narkotiki satan, yayan, gətirən cinayətkardır. Ona görə
də hüquq mühafizə orqanları kökünü aşkarlamağa çalışır. Yoxsa 5 nəfər narkotik
istifadəçisini tutanda nəsə olmur. Son zamanlar da onlayn sistemlə yayılır deyə,
istifadəçi heç narkotik satanı da tanımır - müəyyən olunmuş nöqtəyə gedir,
pulunu verib malı alır. Texnologiyanın inkişafı dediyim kimi cinayətkarlara kömək
edir”.