No Image
No Image

“Mövcud peyvəndlərin yeni versiyaları hazırlanmalıdır...” – Yeni ştamma qarşı yeni vaksin?

“Mövcud peyvəndlərin yeni versiyaları hazırlanmalıdır...” – Yeni ştamma qarşı yeni vaksin?
Xəbər verdiyimiz kimi Azərbaycanda 31 nəfərdə koronavirusun "Delta” variantı aşkar olunub. Eyni zamanda 9 nəfərdə "Alfa” ( Britaniya) ştammı müəyyən edilib. Artıq bu istiqamətdə dünyada, eləcə də ölkəmizdə həyəcan təbili çalınır və qurumlar vətəndaşları ehtiyatlı olmağa, karantin qaydalarına əməl etməyə səsləyir.

Sfera.az-ın məlumatına görə, bununla bağlı tibb elmləri doktoru, professor Musa Qəniyev deyib ki, bu gün insanlığın faciəsi COVİD-19 və onun ştammları deyil, faciə  məlum təbliğatın, onları istiqamətləndirdiyi vahimə, stress, ümidsizlik, yaxınları vaxtsız itirmək qorxusudur:

"Aprel-may aylarındakı kütləvi yoluxma və hazırkı vaksinasiyanın əhatə dairəsi, ölkəmizdə kollektiv immunitetin formalaşdığını sübut edir. Azərbaycanda koronavirusun fəsli dəyişikliklərə uyğun olaraq, gələcəkdə - ildə iki dəfə nisbi artımı ola bilər. Lakin bir də heç bir vaxt onun mütləq alovlanması, ölüm törətmə ehtimalı ola bilməz və olmayacaq.

Nəzərə almaq lazımdır ki, "Delta” və "Delta-plyus” ştammları fərqli yox, eyni mutantlardır və bu səbəbdən də onların arasında prinsipial fərqlilik ola bilməz.  Bu ştammların patoloji fəallığının yüksək olması reallıq yox, yalnız kimlərinsə "xəyalı istəyi"dir. Çünki bu halda mövcud peyvəndlər modifikasiya olunmalı, onların yeni versiyaları hazırlanmalı və satışa çıxarılmalıdır”.

Mütəxəssis qeyd edib ki, Azərbaycanda bir də heç vaxt nə məhdudiyyət, nə qapanma, nə də digər karantin tədbirləri olmayacaq:

"Sadəcə, elə edək ki, gigienik vərdişlərə düzgün əməl olunsun. Ən əsası isə "flematologiyaya” son qoyulsun, vaksinasiya istək daxilində aparılsın. Burada məcburiyyət prinsipi olmasın. Çünki biz nə Rusiya, nə də Avropa ölkəsi deyilik. Əvvəla, COVİD-19 bizim üçün ümidsizlik və mütləq ölüm gətirən sosial bəla olmayıb. İkincisi isə bizdə peyvəndləmədə məcburiyyət tətbiq olunarsa, bu mütləq olaraq saxtakarlığa, cinayətə rəvac veriləcək və statistika düzgün nəticələri əks etdirməyəcək. Bu hal yolverilməzdir və gələcəkdə ciddi fəsadlara səbəb ola bilər”.
 
Günay Rəsulqızı
 
Sehliyali
Turan Bank

OXŞAR XƏBƏRLƏR

Həkim "Delta" ştammına yoluxmuş 31 nəfərlə bağlı rəsmi açıqlama tələb etdi: "İnsanları qorxutmayın..."

Daha bir həkim "Delta” ştammı ilə bağlı hansısa narahatlığa əsas olmadığını deyib. Sfera.az bildirir ki, Azərbaycan Həkimləri İctimai Birliyinin sədr m...

“Mövcud peyvəndlərin yeni versiyaları hazırlanmalıdır...” – Yeni ştamma qarşı yeni vaksin?

Xəbər verdiyimiz kimi Azərbaycanda 31 nəfərdə koronavirusun "Delta” variantı aşkar olunub. Eyni zamanda 9 nəfərdə "Alfa” ( Britaniya) ştammı müəyyən edilib. A...

Azərbaycanda koronavirusun "Delta" ştammı AŞKARLANDI

Azərbaycan Respublikasının Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi birgə açıqlama yayıb. ...

Mütəxəssisdən uşaqlarla bağlı SOS SİQNALI: "Delta" təhlükəsi ilə üz-üzədirlər"

"Uşaqlar "Delta" variantına yoluxma təhlükəsi ilə üz-üzədirlər".   Sfera.az bildirir ki, bunu Almaniya-Azərbaycan Radioloji və Neyroradioloji Cəmiyyətini...

TƏBİB 16 həkimi işdən çıxardı - SƏBƏB

Əlilliyin qiymətləndirilməsində şəffaflığı təmin etmək məqsədilə tibb müəssisələrində araşdırma aparılıb. TƏBİB-dən Sfera.az-a verilən məlumata görə, 2021...

Vaksinasiya növbəsi uşaqlara çatdı? – “İlkin mərhələdə 15 yaşdan 18 yaşadək...”

Xəbər verdiyimiz kimi, Ümumdünya Səhiyyə Təşkilatı (ÜST) ilk dəfə uşaqların koronavirusdan peyvənd olunması zəruriliyini etiraf edib. Bildirilib ki, uşaqlar C...