Moldovada Kişinyov mərkəzi bazarında hüquq-mühafizə orqanları bıçaqlanma hadisəsində şübhəli bilinən iki Azərbaycan vətəndaşını saxlayıb.

Sfera.az oxu.az-a istinadən xəbər verir ki, ötən gecə mərkəzi bazarda bıçaqlanma faktı ilə bağlı polisə məlumat daxil olub. Verilən məlumata görə, iki satıcı arasında münaqişə sayğac üstündə yaranıb. Sayğacı paylaşa bilməyən tərəflərdən biri mətbəx bıçağına əl atıb.

Şübhəli Azərbaycan vətəndaşları istintaqdan gizlənməyə cəhd etsələr də, yaxalanıblar.

İndi onları yeddi ilə qədər həbs cəzası gözləyir. Hazırda onlar barəsində 72 saat həbs qərarı çıxarılıb.