“Minimum 3-4 həftə lazımdır ki, vəziyyətin dəyişdiyini görə bilək” – Həkim
15:22 / 13.09.2021
1131
"Tələbələrin,
məktəblilərin, ümumiyyətlə, peyvənd olunmayanlar arasında çoxluq təşkil edən bu
yaş qrupunun aktiv şəkildə normal həyata qayıtması Azərbaycanda vəziyyəti çətinləşdirə
bilər”.
Bunu
Sfera.az-a açıqlamasında Almaniya-Azərbaycan Radioloji və Neyroradioloji Cəmiyyətinin
sədri, Köln Universiteti Klinikasının şöbə müdiri, tibb elmləri doktoru Nuran
Abdullayev deyib.
Müsahibimiz
bildirib ki, həmin yaş qrupları bu mərhələdə yüksək effektivli peyvəndlərlə
qorunmayıblar:
"Minimum
3-4 həftə lazımdır ki, biz vəziyyətin dəyişdiyini görə bilək. Burada fərqli
strategiyaların tətbiq edilməsinə ehtiyac var. Şagirdlərə, tələbələrə nə qədər
çətin olsa da, onlar bildiyimiz qızıl qaydalara əməl etməlidirlər – maska
taxmaq, sosial məsafə saxlamaq, qapalı şəraitdə kollektiv olaraq az iştirak etmək
və.s. kimi şeylər izah edilməlidir. Eyni zamanda peyvəndləməyə yaşı çatanlara yüksək
effektivli vaksin təklif edilməlidir. Məktəblərdə də fərqli strategiyalar
olmalı və bu, bütün məktəblərin birdən-birə qapanmasına şərait yaratmamalıdır.
Strategiyalar hansısa məktəbdə, yaxud sinifdə yoluxma olduğu halda, yalnız
onların distant təhsilə keçməsinə, digərlərinin əyani formada fəaliyyətinə
imkan verməlidir”.
"Peyvəndləmə yoluxma əmsalını aşağı sala bilir. Amma təəssüflər olsun ki, bu gün Azərbaycanda yüksək effektivli peyvənd olunmaq sürəti ilə "Delta” variantının yayılma sürətinin yoluxma əmsalına baxsaq, yoluxmalarda ləngimənin az olduğunu görərik. Bizə bundan da sürətli peyvəndləmə lazımdır ki, vəziyyətdən daha az itki ilə çıxa bilək. Ümumiyyətlə, bütün valideynlərin bir nömrəli məqsədi uşaqlarda ümumi simptomlar olduğu zaman mütləq olaraq test vermək və uşaqları canlı ünsiyyətdən çəkindirmək, ev şəraitində saxlamaq olmalıdır”.
Günay
Rəsulqızı
